Камион со приколка попладнево се запали во движење, на патот меѓу кавадаречките села Раец и Фариш. Информацијата ја потврди Илчо Богевски, командир на Територијалната противпожарна единица од Кавадарци. Тој посочи дека камионот бил со косовски регистарски ознаки и пренесувал руда.

– Всушност, се запалиле задните гуми од приколката, најверојатно поради неисправни кочници. Возачот веднаш го прекинал движењето и го отстранил камионот од патот. Од гумите, огнот се проширил на шасијата на приколката, изјави Богевски.

Најбрзо што можеле, двајца пожарникари стигнале на лице место со едно противпожарно возило.

-Успеавме да го изгаснеме пожарот и да не дозволиме да се прошири на главата на камионот, додаде Богевски.

Денеска се навршуваат   шеесет  години од тектонската несреќа во кавадаречко Моклиште, кога загинале 11 луѓе, 1.200 овци и крупен добиток.

Како што потсети Мики Камчевски, професор по историја, на 5 септември 1956 година во раните утрински часови, помеѓу 6 и 7 часот во месноста “Градот“, оддалечено околу 9 километри југоисточно од Кавадарци, се случила голема тектонска несреќа. За неполни петнаесетина минути според сведоштвото на неколкумина очевидци на овој ужасен настан, кој се случил над населбата “Моклиште“, се одронал огромен комплекс земјана маса. Како последица на оваа големо поместување на огромна маса, земја и камења покриле простор во должина од 1000 и во широчина од 400 метри. На одделни места натрупаната земја достигнувала до ститина метри длабочина.

– При оваа природна катастрофа животот го загубиле Ѓошо Бојаџиев од Ваташа, Методија Димитриев од село  Конопиште, Ристо Камчев од село Долна Бошава, Шериф Ахмед од село Вешала-Тетовско, Илија Паризов и Мишо Кузманов од село Дреново, Лазо Петров и Гано Стојанов од село Возарци, Ајредин Бекташ од село Божовци-Тетовско, Ганија Мифтари Белор од село Трново-Тетовско и Илија Панов Илов од село Грбавец, информираше тој.

Покрај загинатите имало  и неколкумина повредени лица меѓу кои Лазо Атанасов од село Крњево, а младинецот Перо Кузманов од Ваташа бил очевидец на судбината на Ристо Камчев од село Долно Бошава, кој со своите две ќерки одел на пазар во Кавадарци. Двете негови девојчиња со помош на неколкумината очевидци  биле спасени, а Ристо бил затрупан од огромната маса земја и камења.

– На местото на несреќата било веднаш упатена стручна комисија одредена од државниот секретаријат за внатрешни работи на Република Македонија која ја сочинивале проф. Милош Павловиќ, инг. геолог Благоја Филиповски, геолог Владимир Паскалов, инг. Киро Шкартов, Кочо Мешков и Киро Ширговски. Комисијата престојувала неколку часа на местото на несреќата и дошла до заклучок дека одронувањето на огромна маса земја била предизвикана од природни причини и дека според увидот на самиот терен, било практино невозможно да се извлечат телата на затрупаните луѓе, соопшти Камчевски, кој е професор во кавадаречката гимназија “Добри Даскалов”.

Комисијата обиколувајќи го теренот на несереќата од сите страни и врз основа на прибраните податоци, дошла до заклучок дека свлекувањето на земјата настанало по должината на една од порано формирана пукнатини во земјата, длабока околу стотина метри. Геолошкиот состав на земјата им овозможил на подземните и атмосферски води што продреле низ оваа пукнатина да ја пореметат стабилноста на целото тоа подрачје. Одронувањето на земјата настанало и поради осетното подигање на нивото на подземните води, како и поради долгиот сушен период во летото 1956 година.

– Потребно е да се знае и фактот што целиот тој простор е без било каква вегетација. На целиот тој простор била поместена земјишна маса од 12 до 15 милиони кубни метри земја,  што било многу голема причина за да не можат да се извлечат затрупаните луѓе, рече Камчевски.

По овој повод на 55 годишнината од оваа трагедија, општина Кавадарци и месната заедница од селото Ваташа, на местото на несреќата поставија спомен плоча, која ќе остане да сведочи за овој трагичен настан.

Убавата атмосвера на концертот на Фолтин и Рибја Чорба им донесе илјадници гости на градскиот полоштад. Денеска, пак интересна атмосфера на плоштадот.

Во Кавадарци пристигнаа македонските моторџии. Од сите градови на земјата,тие ревијално присуствуваат на сите гроздоберски празнувања,па и на годинашново. Денеска на Градскиот плоштад беа присустни со специфичната униформа,светнати мотори, а зо силниот звук на моторите сакаа да дознаат кавадарчани дека се тука во градот на грозјето и виното.

На плоштадот напладне мирна атмосвера, гостите ги средуваат впечатоците од синоќа и се подготуваат за вечерашниот Вински карневал И концертот на Парни Ваљак....

Застанавме на штандот на Винотек, СЕ НАПИВМЕ ВИНО Сангрија каде за прв пат дознавме дека овој пијалак може да се прави и кај нас...

Во кино бавчата на Домот на културата полно таблаџии. Денска овде се оддржува турнирот во играње табла,кој станува традиционален. Годинава учествуваат 46-мина, а дури 10 тина се од Штип. Тие се редовно овде во Кавадарци на гроздоберот. Томе Чемерски главниот координатор на турнирот ни објаснува имаме подршка од Локалната самоуправа  и ќе доделиме три награди. Прва-5000,втора 4000 и трета награда 3000 денари...ТУРНИРОТ се одржува 11 години...

Еве го целиот прилог од денешниот ден:

 

Ученици маскирани во гроздови и винови лози, но и најразлични други маски во најразлични бои, беа дел од денешниот детски карневал.

- На задоволство на сите посетители кои овие три дена се наоѓаат во градот на грозјето и виното, денеска можеа да се видат околу 700 учесници во детскиот карневал, од сите основни училишта во градот. Секоја од маските, со своја приказна, рече Зоран Станоев Дејзи, еден од организаторите.

На карневалската улица продефилираа хероите од бајките, современи ликови, пирати, гроздови, виножита...

Погледнете ја атмосферата:

 

Кралица на Тиквешкиот Гроздобер 2016 година е Ивана Малкиќ, а крал Александар Маринковиќ

kralica2

Синоќа во ресторанот Моклиште тие беа избрани за крал и кралица за годинава, а промоцијата пред кавадарчани и гостите на Гроздоберот ќе ја имаат на централната манифестација - Винскиот карневал.

Во енергична, разиграна и на моменти емотивна и носталгична атмосфера, хрватските рок-легенди „Парни Ваљак“ не се штедеа пред Кавадарчани

Публиката со овации и аплаузи ги пееше хитовите кои ја одбележаа младоста на многу генерации.

Еве ја атмосферата:

 

Кралица на Тиквешкиот Гроздобер 2016 година е Ивана Малкиќ, а крал Александар Маринковиќ

kralica2

Синоќа во ресторанот Моклиште тие беа избрани за крал и кралица за годинава, а промоцијата пред кавадарчани и гостите на Гроздоберот ќе ја имаат на централната манифестација - Винскиот карневал.

Повеќе артикли...

МеталАпостолов

Следни настани

MM-Biro

Временска прогноза

Kavadarci Macedonia Cloudy, 10 °C
Current Conditions
Sunrise: 6:17 am   |   Sunset: 5:15 pm
75%     11.3 km/h     32.882 bar
Forecast
ЧетLow: 6 °CHigh: 12 °C
ПетLow: 6 °CHigh: 11 °C
СабLow: 5 °CHigh: 8 °C
НедLow: 0 °CHigh: 5 °C
ПонLow: -1 °CHigh: 1 °C
ВтоLow: -2 °CHigh: 7 °C
СреLow: -7 °CHigh: 0 °C
ЧетLow: -5 °CHigh: 2 °C
ПетLow: 0 °CHigh: 7 °C
СабLow: 2 °CHigh: 13 °C