Шестото коло од најсилната македонска машка кошаркарска лига ни го носи дербито на двете досега непоразени екипи, Фени Индустри и Работнички кои имаат фантастичен старт на сезоната. Но, по натпреварот кој е закажан за во среда, 21 декември, јасно е дека само една од двете екипи ќе остане со максимален ефект и барем едно коло ќе остане осамена на врвот.

Домашниот терен и поддршката од своите најверни поддржувачи секако му носи блага предност на избраниците на Љупчо Малинков, кои веруваат дека досегашните резултати и петте врзни победи ќе бидат доволна мотивација кавадаречката публика сезонава за прв пат да го исполни „Јасмин“ до последното место.

Дербито на колото помеѓу Фени Индустри и Работнички се игра со почеток од 18 часот, а според најавите од раководството на клубот, спортската сала „Јасмин“ ќе биде затоплена.


18 петтоодделенци денеска ги бранеа боите на своите училишта учествувајќи на „Еко-квиз“ натпреварот од областа на екологијата и заштитата на животната средина што трета година по ред го организираат компанијата „Фени Индустри“, еколошкото друштво „Тисовец“ и општина Кавадарци. Ваквиот квиз има за цел да се вложуваат континуирани напори за учество на повеќе општествени субјекти во градењето на концептот за соодветно еколошко и општествено одговорно однесување од најмала возраст, притоа земјаќи ги во предвид програмските активности предвидени во соодветни образовни програми за деца. Првиот човек на Кавадарци, градоначалникот Александар Панов смета дека ваквите натревари прку кои се уште од најмала возраст се придонесува за значењето на животната средина и незјино зачувување треба да бидат почести и да станат традиција.
„Имајќи го во предвид фактот дека вредносните ставови се градат од најмала возраст се очекува овој проект да има влијание врз формирањето на елементарните еколошки навики кај учениците. Во тој правец ваквиот натревар придонесува за подобрување на условите во животната средина“ - смета Ана Андова, претставник од компанијата Фени Индустри.
Учениците борејќи се храбро се спротивставија на незнаењето и победија со своето знаење за почиста еколошка средина и квалитетно живеење. 18те учесници кои денеска се натпреваруваа се докажаа во селекција од 341 ученик во која немаше губитници, бидејќи секој ученик излезе со многу знаења кои ќе му послужат во понатамошниот живот. „Како еколошкото друштво „Тисовец“ имаме интенција овој натпревар да прерасне во регионален или државен“ - рече меѓу другото Сашко Данов, извршен директор на еколошкото друштво „Тисовец“.
Во последните три години своите знаења од сферата на екологијата и заштита на животната средина ги збогатија 1075 ученици што не е ни малку бројка за потценување. Секако во нивните успеси несебично се вклучиле членовите на семејствата и наставниците од училиштата.
Победник на годинашниот еко-квиз се учениците од Основното училиште „Страшо Пинџур “кои ја прекинаа двегодишната доминација на учениците од„ Димката Ангелов – Габерот“ од Ваташа.

Во народното паметење овој лик останал како заштитник на патниците, посебно на оние што патуваат по вода, но и по тоа што како за време на животот така и по смртта ги помагал сиромасите, ги заштитувал затворениците и неправедно осудените, ги откупувал робовите и ги пуштал на слобода.
Свети Никола се роди во Патара, во малоазиската област Ликија, во третиот век. Уште од малечок се одликуваше со посебна чистота на душата и предаденост на Бога. Подоцна, во зрелата возраст, посака да стане монах, но Бог самиот, во едно видение, го упати да се врати во светот и така да им служи на луѓето. На чудесен начин беше избран за архиепископ на главниот град на Ликија, Мира. За време на гонењето на христијаните при Диоклецијан, беше ставен во затвор. Подоцна учествуваше на Првиот вселенски собор, во 325 година. Блажено се упокои во 342 година, во длабока старост. Беше најблаг пастир, голем чудотворец и помошник во секакви неволји. Неговите нетлени мошти беа пренесени од Мира во Бари во единаесеттиот век. Таму се наоѓаат до денес.  Синоќа со посна вечера и најблиските роднини и пријатели празникот го прославија оние граѓани кои во чест на Св. Николан имаат востановено  слава а денеска се прославува именденот.Именденот го празнуваат: Никола, Нино, Николина, Коле, Кула, Нина…


Oпштинското основно училиште „Тоде Хаџи-Тефов“ од Кавадарци беше домаќон на итвининг мини конференција која беше организирана од страна на Националната агенција за европско образование и мобилност.

 

                77 лица заболени од грип   се  евидентирани во Центарот за јавно здравје од Кавадарци оваа сезона.За ова денеска информира денеска доктор Ристе Јовановски, специјалист епидемиолог. Таа бројка се однесува на општините Кавадарци и Росоман. Можно е да е и поголема, со однос на тоа што не сите заболени од грип бараат и лекарска помош, туку некои од нив се лекуваат и во домашни услови.

                Истиот период во минатата сезона  бројот на грипозни изнесувал 51. Значи бројката сезонава е поголема, но сепак не станува вели докторот за сериозна состојба. Ситуацијата се следи редовно. Една вакцина против грип чинеше 400 денари, а се вакцинираа 800 лица.

                Докторот препорачува избегнување на масовни собирања, изолирање на заболените лица и консултација со лекар.

Повеќе артикли...

Подкатегории