„Кавадаречката културна есен“ ,започна вечерва во Кавадарци на вистинскиот прв студен есенски ден годинава,но тоа не беше пречка содржините на отварањето да ги стоплат срцата на оние кои дојдоа.Средбата на отварањето протече како беше предвидено, во Домот на културата,каде се одржа ликовна изложба,поетско читање и мини концерт.

Ова манифестацијата , до почетокот на декември ќе донесе бројни изложби, концерти, промоции, претстави за љубителите на културата и уметноста од Кавадарци и Македонија.Вечерва беше отворена изложба под наслов “UNIVERSE AS INTEGRITY ALLUSION“ (Вселената како обединувачка алузија)на ликовните уметници Шкипе Мехмети, Дита Старова-Керими и Зарије Амдију. Овој настан  го овозможи Дирекцијата за култура и уметност од Скопје од чие име говореше Никола Глигоров.Изложбата рече тој гостуваше во големи центри во светот, меѓу другите и во Њујорк.И во Македонија е добро примена , оттаму и задоволството на трите уметнички за можноста да бидат присутни пред кавадарчани.

 Инаку на отварањето се одржи концерт на Менка Богоевска - виолина и Габриела Бачманова – пијано кои ја исполнија со пријатна  музика Галеријата на Домот а поетите Надица Тренчева, Вероника Костадининова, Тодорка Андова и Цветанка Колева од  Здружение на писатели “Тиквешки цветови“ Кавадарци  се претставија  со свои најнови поетски творби.

Водителот на вечерта-актерот Александар Малинков уште во најавата кажа дека и ова есен Кавадарци ке има богата културна понуда, која треба да се проследи.

Директрот на Домот на Културата ,Владимир Теков, вети дека и годинава „Кавадаречката културната есен “ке донесе повеке  вредни уметнички настани од различни области,се заблагодари за подршката од градоначалникот и Советот на Општината за слухот кои го имаат за организирање на сите културни збиднувања.Кавадарци располага со силен уметнички потенцијал и треба биде домаќин на случувања од културата, нагласи Темков.

Градоначалникот Александар Панов, видно емоционално позитивно трогнат од музицирањето на познати филмски дела во класична верзија од Богоевска и Бачманова, рече дека во последно време поради  низата обврски и се што носи модерното 

 

Денеска беше потпишан меморандум за соработка на Локалната самоуправа и Американската непрофитна организација – „Хабитат“- со цел да се анимираат  Заедниците на станари на околу 180 објекти за колективно живеење во Кавадарци за нивно подобро организирање .Целта е тое да  биодат  поинформирани за деталите околу решавањето на заедничките потреби за зградите каде живеат,и подобрување на енергетската ефикасност на објектите каде живеат.Повеке за ова од видео прилогот.

      

Тројца мажи останале без прсти додека мелеле пиперки за ајвар со помош на бормашина, јавува Дневник.

Немилите настани се случиле изминативе неколку дена, а вчера сите тројца биле оперирани во ист ден. Информацијата ја потврди началникот на хируршкото одделение при Општата болница во Kавадарци, д-р Дано Kулев.

– Станува збор за три лица кои на нашето одделение беа примени со трауматски ампутации на прсти, повреди настанати при мелење пиперки за ајвар со електрична бормашина. Kако што самите ни објаснија, на сите нив им бил потфатен по еден прст додека дотурале пиперки во машинките за мелење. Притоа им биле откинати врвовите од прстите – изјави Kулев за „Дневник“.

Поради сериозноста на повредата, тројцата средовечни кавадарчани морало да бидат оперирани.

– Бидејќи на пациентите им недостигаше по дел од прстот, пристапивме кон посебна медицинска постапка и обработка на повредениот дел. Мораше на соодветен начин да се третира и сошие местото каде што беше откинат и изгубен врвот од прстот. Во таков случај најпрвин се вади дел од коската на прстот, се оформува повредениот дел и на крајот се шие. Повредените се се уште на нашето одделение, средени и во стабилна состојба –  соопшти Kулев.

Во прилог ви ги доставуваме двата интегрални текста, и на СДСМ и на ВМРО-ДПМНЕ

 

Интегралниот текст на Претседателот на СДСМ Кавадарци - Зоран Ѓорѓиев:

 

0000sdsm

 

Додека лозарите се соочуваат со најтешката година при откупот на грозјето и неизвесна е нивната егзистенција, затоа што родот им скапува на нивите. Додека работниците од Кавадарци и Тиквешијата работат во приватни и странски компании за едвај 9.000 денари, и тоа за викенд и празници. Претседавачката на Совет, Горица Пеливанова во анкетниот лист има пријавено  три стана во Скопје и два во Кавадарци во вредност од 536.000 евра. Според моменталната евиденција на Катастар, Пеливанова поседува два стана во Скопје и два стана во Кавадарци.

Зошто Пеливанова не пријавила промена на имотната состојба со продажбата на станот во Скопје во вредност од 250 илјади евра?

Станови во Скопје се омилен начин на трупање на богатството на поединците од ВМРО-ДПМНЕ.

Советникот од ВМРО-ДПМНЕ, Златко Ташев станал сопственик на два стана од 2009-2016 година, во Кавадарци и Скопје. Становите се со вредност од над 80 илјади евра, пријавени на име на неговата сопруга.

Зошто Ташев неја пријавил промената на имотната состојба?

Граѓаните што едвај врзуваат крај со крај, прашуваат како функионерите на ВМРО-ДПМНЕ успеале да заштедат стотици илјади евра за станови во Скопје?

Државна комисија за спречување корупција има обврска да ја провери имотната состојба на овие лица и да превземе соодветни законски мерки.

На 11 декември, граѓаните ќе им кажат збогум на корумпираните и истрошени политичари од ВМРО-ДПМНЕ и ќе изберат чесни, одговорни и способни луѓе кои што ќе донесат подобар живот за сите.

 

 

Интегралниот текст на Претседателката на ВМРО-ДПМНЕ Кавадарци - Горица Пеливанова Вилхелм:

 

0000vmro

 

 

Згрозена сум од начинот на кој што СДСМ сака да поентира меѓу граѓаните, а посебно кај лозарите.

Тешко ми е кога гледам дека шират лаги и манипулираат со податоци наместо да лобираат особено кај откупувачите кои во нивно време им ги продадоа откупувачките центри само затоа што биле послушници на СДСМ.

Почитуван претседателе на СДСМ во Кавадарци. Повторно ништо нема да направите со ова. Само ги потгорувате проблемите на лозарите. Само им ветуватe дека ако гласале за СДСМ, мед и млеко ќе тече после тоа.

За разлика од СДСМ, Сите функционери на ВМРО-ДПМНЕ од Кавадарци се во секојдневни разговори и со лозарите и со Владата за да се донесат мерки кој вистински ќе ги обештетат лозарите кои нема да го продадат грозјето на откупувачите оваа година, а тие мерки наскоро ќе бидат објавени од Министерството за земјоделие, шумарство и водостопанство.

Околу лагите искажани за мене и за мојот имот, сакам да им објаснам на јавноста во Кавадарци дека имотот е уредно пријавен во Анти-корупциска комисија, а за станот кој Господата од СДСМ велат дека е „Спорен“ (е пријавен во антикорупциска, а го нема во катастар), тоа е затоа што сеуште се исплаќа, а од фирмата од кој е купен сеуште не е префрлен на мое име.

За јас да бидам Отчетна кон граѓаните, и тој стан го пријавив во Антикорупциска, кој поради мојата јавна функција законски морам да го пријавам секој мој имот.

Имотот што го поседувам е стекнат со мојата плата и со платата на мојот сопруг кој е странец и работи во друга земја. Горда сум на мојот сопруг кој се одлучи наместо во неговата земја (Франција), да живее и инвестира во Македонија. Целиот имот кој гласи на мое име е транспаретно стекнат, согласно законите во Република Македонија.

Во меѓувреме ги истраживме имотните листови на советниците од СДСМ. Таму драги мои сограѓани има советници кој воопшто не доставлиле имотни листови до Антикорупциска-комисија. А зошто?

Зошто, ќе објасниме во друга прилика, да видите како тоа загрижените Господа од СДСМ се богатат на сметка на лозарите.

Жал ни е што Господата од СДСМ тераат политики на лаги и манипулации, наместо да помагаат и да лобираат особено кај откупувачите кои имаат тесни релации со нив. Денес и тие се дел од оваа Влада и пак ништо не превземаат, но народот памети и ќе се искаже на 11-ти декември.

 

 

           Kako што дознаваме еден работник во фабрика во Кавадарци се здобил со тешка телесна повреда поради што му била ампутирана десната надлактица. Ова го потврди доктор Дано Кулев, началник на хируршкото одделение при ЈЗУ„ Општа болница“ Кавадарци.

-Стануваше збор за целосно скината десна надлактица, една трауматска ампутација предизвикана од машина. Повредениот беше донесн во болницата во една шок состојба. Прситапивме кон брза реанимација и трансфузија на крв бидејќи имаше изгубено на крв додека да биде донесен од фабриката во болницата. Неговиот живот беше во опасност.  Направивме се што можевме за да му ја стабилизираме состојбата, му ја средивме раната, му ја дадовме соодветната медицинска терапија   и го препративме на операција на клиниката за пластична хирургија. По телефон се јавивме кај колегите и тие беа спремни за интервенција. Остана без дел од својата рака како последица на машината, но успеавме да му го спасиме животот- вели доктор Кулев.

И од Министерството за Внатрешни Работи го потврдија овој немил случај.Оддовде велат дека во саботата спрема недела, дваесет минути по полноќ, се случила несреќа при работа во кавадаречка фабрика. Притоа било повредено лице родено 1980 година, кое во фабриката работело како помошник на машина за сечење на лим, марка слитер 3. Работникот веднаш бил пренесен во јавната здравствена установа Општа болница Кавадарци, од каде по извршената неопходна интервенција, бил препратен на скопската клиника. По овластување на обвинител, увид на лице место извршиле полициски службеници и инспектор по заштита при работа.

 

Од подамна некој гласно некој во себе, ама повекето со негодување реагираат на појавата на кучињата скитници на кавадаречките улици и јавни места.Со почетокот на учебната година и зголемената фрекфенција на ученици низ градот а посебно пред училиштата во Кавадарци го доведоа ова прашање од комуналната свера на површина.Кога е во прашање човечката безбедност тогаш паѓа хуманоста кон животните.Но сепак не се кавадарчани така нехумани.Тие само сакаат ова навидум едноставното прашање да се реши што побрзо или да се сведе во разумни граници.Велиме разумни затоа што во Кавадарци и покрај тоа што нема точен податок колку кучиња скитници има, сепак може да се оперира со илјадници, затоа што никогаш не било вака.

Работата е дојдена до таму некои ученици на училиште да одат и доаѓаат од него во придружба на блиски од семејството, заради стравот од напад.

-„Паркирам со колата во катната гаража, од таму излекуваат 3-4 кучиња, изгледа и гаражата му е место за преноќиште на сите кучиња скитници. На улица „7-ми септември“ ме пречекува по возрасна жена, живее на истата улица, со неа две деца, ми вика...еве каде е школото „Димка Габерот“ ама морам секој ден да го носам и земам од школото, поради кучињата кои шетаат сабајле по улицата, малиот парк спроти полицијата, катната гаража и секаде по градот.

Ова е  дел од преписката која деновиве на социјалната мрежа Фејсбук привлече голема полемика во коментарите на еден наш сограѓанин и додава: „Или нека си ги приберат Здруженијата за заштита на животните, нели треба да се грижат за нив и додека се живи, а не само да ги сликаат кога некој изнервиран или ,,уапан,, граѓанин ќе отруе, обесе, или масакрира некое куче. Тој побара поддршка од медиумите, здруженијата за заштита на животните и локалната власт.

Различни се коментарите за начинот на справувањето со појавата на кучињата скитници, но желбата  да се реши прашањето е единствена.Градначалникот Александар Панов, се сложува со состојбата повзана со кучињата скитници, и како Општина и Совет стојат на располагање на се расправа на највисокиот форум , да се изнајде соодветно решение , со соодветно парично вложување на средства за ова намена од буџетот на Општината. Формите кои досега се практикуваа не наидоа да трајно справување со ова несакана појава, но нема да е откажат ако се најде рационално решение за да бидат задоволени интересите на граѓаните, вели градоначалникот.Најважно од се е решението да биде со хуман третман за кучињата-скитници.

 

По успешно спроведената јавна набавка за избор на најповолен изведувач на работите за ревитализација на локалниот пат помеѓу селата Крњево и Бохула, фирмата „Жикол“ од Струмица го реализира на терен овој значаен инфраструктурен проект од патната мрежа во општината.

Проектот за проширување на локален пат до селото Бохула-Крњево е одобрен од Агенцијата за финансиска подршка во земјоделството и руралниот развој. Инвестицијата опфати проширување и асвалтирање на локалниот пат кој ги поврзува селата Бохула и Крњево во должина од 4,4878,5 метри и ширина од 5,5 метри. Проширувањето на патот се однесува  цела должина на постоечкиот пат кој е со ширина од 2 метри, како би се добила коловозна конструкција од 5,5 метри.

 Инаку асфалтирањето е целосно завршено, деновиве се поставуваат банкинии  канавки и мали дотерувања по што патот ке биде целосно завршен.

 

vinicka-krsla.jpg 

 

Ревитализацијата е од особено значење за подобрувањето на квалитетот на животот на жителите во руралните средини, со тоа што ќе се олесни движењето и комуникацијата помеѓу двете села, подобрување на патната инфраструктура која е од особено значење за постоечките стопански субјекти и идни инвеститори, значителено ќе се подобрат условите за развој на туризмот, бидејќи изградбата на овој локален пат е дел од патната инфраструктура до Ски центарот Кожув.

Планираниот износ на овој проект изнесува 19.990.527  денари, од кои општина Кавадарци учествува со 18% или 3.049.403 денари. Останатите средства за реализација на овој проект во износ 16.941.124 се обезбедени од Агенцијата за финансиска подршка во земјоделството и руралниот развој.

Дваесет и деветгодишната Е.С. од Кавадарци е осомничена за оштетување и неовластено навлегување во комјутерски систем.

Таа пред една година на банкомат пред влезот на Шпаркасе Банка, откако претходно од чанта на своја колешка и ја украла картичка за банкомат од банката и го запамтила пин кодот, подигнала 8.000 денари, а потоа тајно и ја вратила картичката во чантата.

Измамничката на идентичен начин со картичка на друга колешка исто така подигнала пари.

 

Над триста трговци се очекува да се појават на традиционалниот „Есенски панаѓур“ кој овој пат ќе се оддржи една недела порано од вообичаеното време , односно на 7, 8 и 9 октомври, петок, сабота и недела.

Стандардно, локацијата и годинава останува непроменета .Панаѓурските тезги ќе бидат поставени на булеварот „Никола Минчев“  , поранешен „Едвард Кардељ“ ,на потегот од кружниот тек кај новата автобуска станица, до спојот со „Северен Булевар“,.Покрај овие улици целосно затворен за сообраќај во деновите на оддржувањето на панаѓурот ќе биде и булеварот „Македонија“ од спојот со улиците „Орце Николов“ до булеварот „Цветан Димов“.

Предвидено е поставување на санитарен јазол и вода за корисниците, со цел да бидат поштедени околните подруми на зградите и другите објекти кои и покрај желбата на организаторот, секоја година страдаат од несовесните или помалку внимателните посетители или продавачи на Панаѓурот.

Повеќе артикли...

DITO

Следни настани

MM-Biro
ЗШУЦ Ѓорче Петров
RTK

Временска прогноза

Kavadarci Macedonia Mostly Cloud (night), 12 °C
Current Conditions
Sunrise: 6:47 am   |   Sunset: 5:47 pm
75%     11.3 km/h     33.525 bar
Forecast
Вто Low: 8 °C High: 26 °C
Сре Low: 8 °C High: 27 °C
Чет Low: 8 °C High: 26 °C
Пет Low: 7 °C High: 25 °C
Саб Low: 9 °C High: 25 °C
Нед Low: 11 °C High: 26 °C
Пон Low: 9 °C High: 24 °C
Вто Low: 9 °C High: 18 °C
Сре Low: 7 °C High: 18 °C
Чет Low: 5 °C High: 19 °C