Кавадарчани пијат хигиенски исправна вода

Кавадарци
Типографија

СЛЕДЕЊЕ НА СОСТОЈБАТА НА ВОДОСНАБДУВАЊЕТО И КВАЛИТЕТОТ НА ВОДАТА ЗА ПИЕЊЕ ВО ОПШТИНА КАВАДАРЦИ И РОСОМАН ВО 2017 ГОДИНА

ЈЗУ Центарот за јавно здравје Кавадарци врши испитување на исправноста на водата за пиење како од градскиот водовод Лукар така и на сите останати водоводни објекти ( локални селски водоводи, чешми и бунари) во општините Кавадарци и Росоман.
Во текот на овој период  вкупно се испитани 538 мостри вода за пиење.
Од овие 538 мостри, 361 мостра се испитани од Градскиот водовод Лукар (градска мрежа, стопански организации и села приклучени на градскиот водовод), и сите се како физичко-хемиски така и бактериолошки исправни односно водата е безбедна за пиење.
Од селските локални водоводи земени се вкупно 90 мостри на вода за пиење. Од овие мостри вода 28 се бактериолошки исправни бидејќи истите се земени од селсkи водоводи кај кои се врши хлорирање на водата. Останатите 62 мостри кај кои не се врши дезинфекција на водата покажуваат висока бактериолошка неисправност односно од нив 59 се бактериолошки неисправни или 83,6 %.
Кај останатите 58 мостри земени од други водоводни објекти (природни чешми и бунари), водата покажува висок процент на бактериолошка неисправност од 90,6%.
Кај бактериолошките неисправни мостри на вода се изолирани бактерии индикатори на фекално загадување, најчесто Ешерихија коли и Колиформни бактерии предизвикувачи на цревни заразни заболувања, додека физичко-хемиската неисправност е поради тоа што кај најголем број на локалните водоводи не се врши хлорирање на водата.
Ваквата состојба се повторува скоро секоја година, затоа што овие селски водоводи се оставени на Месните заедници кои поради немање на материјални средства, не се врши нивно одржување.
Според ова се заклучува дека :градот Кавадарци, селата приклучени на градскиот водовод „Лукар“ и села со локален водовод каде се врши хлорирање на водата со вкупно 40.740 жители или 95% од вкупното население во двете општини , редовно се снабдуваат со хигиенски исправна вода за пиење, додека кај 5% или 2.142 жители водоснабдувањето е ризично, преку локални селски водоводи, природни чешми и бунари.
Препорака, според ова состојба од д-р Трајче Ризов од Центарот за Јавно здравје, е  да се изврши асанација на сите локални селски водоводи и да се спроведе редовно дезинфекција односно хлорирање на водата за да се добие безбедна вода за пиење и кај ова 5% население.

МеталАпостолов
MM-Biro

Временска прогноза

Kavadarci Macedonia Cloudy, 20 °C
Current Conditions
Sunrise: 5:0 am   |   Sunset: 8:10 pm
65%     6.4 km/h     33.051 bar
Forecast
ПонLow: 15 °CHigh: 23 °C
ВтоLow: 15 °CHigh: 21 °C
СреLow: 14 °CHigh: 21 °C
ЧетLow: 13 °CHigh: 21 °C
ПетLow: 13 °CHigh: 26 °C
СабLow: 13 °CHigh: 27 °C
НедLow: 17 °CHigh: 26 °C
ПонLow: 16 °CHigh: 27 °C
ВтоLow: 16 °CHigh: 28 °C
СреLow: 17 °CHigh: 29 °C