Со од поодамна решен статус и обезбеден пласман во следната фаза, кошаркарите на Фени Индустри му дозволија на Карпош Соколи со 79-63 да го добие македонско дерби во регионалната БИБЛ Лига кое значеше и крај на првата фаза.


Со мислите насочени кон македонското дерби од групата Б во балканската БИБЛ лига, кошаркарите на Фени Индустри професионално го одработија натпреварот со Охрид АВ, и со 62-83 стигнаа до првата победа во новата година во домашниот шампионат.
Добивајќи ги сите четири периоди (18-22, 9-19, 13-16, 22-26), Фени Индустри им стави во знаење на играчите на Охрид, но и на останатите екипи дека одличната форма од пред паузата е задржана, и дека тимот е подготвен за предизвиците од продолжението од сезоната. Со 21 постигнат поен Матија Чешковиќ потврди дека е во вистински ритам, додека одличен меч одигра и Џекиќ кој мечот го заврши со 14 поени.
Следен натпревар во набиената агенда на стартот од годината на тимот од Кавадарци му го носи македонското дерби од групата Б од БИБЛ лиата, во кое Фени му гостува на Карпош Соколи, кој има голем напредок во формата. Натпреварот се игра во среда, 25 јануари, во спортскиот центар „Борис Трајковски“ со почеток од 20 часот.


Кошаркарите на Фени Индустри продолжуваат со фантастичниот старт на новата кошаркарска кампања, запишувајќи ја и петтата победа по ред, овој пат над тимот на Куманово 2009 со 72-64.

Кошаркарите на Фени Индустри го продолжија перфектниот учинок пред своите гледачи, и со убедливата победа над Сутјеска од 80-55 го потврдија пласманот во следната фаза од регионалното натпреварување.
Паузата од 20 денови без официјален натпревар беше причината поради која Фени бавно влезе во натпреварот, и во првите 10 минути беше тимот кој константно ја бркаше предноста на гостите, но веќе во вториот квартал, избраниците на Малинков најавија дека со одлична одбрана лесно ќе се справат со гостинот од Црна Гора.
Иако ја имаа контролата врз натпреварот и резултатот, кошаркарите на Фени Индустри решија ништо да не препуштат на случајноста, па со серијата од 13-0 на стартот на последниот период предвреме ги решија сите дилеми околу победникот, и му дозволија минути за докажување на младите Милков, Кицев и Бешлиовски.
Матија Чешковиќ одигра фантастичен натпревар кој го заврши со 24 постингати поени, додека Шарабидзе во отсуство на капитенот Николовски доминираше под обрачите и со дабл дабл учинок од 18 поени и 10 скокови беше втор најдобар играч во домашниот тим. Милков и Бешлиовски за помалку од 2 минути поминати на паркетот успеаа да постигнат 2 поени, додека Кицев мечот го заврши со 3 поени зад своето име.
Во тимот на Сутјеска во кој немаше ниту еден играч со двоцифрен број на поени најефикасни беа Томас и Бошковиќ со 9 постигнати поени.

 

 

И без капитенот и најдобар играч во досегашниот дел од сезоната, Кирил Николовски, кошаркарите на Фени Индустри немаа проблем со тимот на Кожув, и по поразот од Работнички, брзо се вратија на „старите победнички навики“.

Кожув одигра солидно во воведните десет минути, добивајќи го воведниот период со 25-26, но веќе во продлжението Фени Индустри заигра подобро, па направи пресврт и на паузата замина со +6, 47-41.

Избраниците на Малинков и во третата четвртина продолжија со одличната игра па позитивата на домашните играчи стигна и до  +13, 73-60, што на крајот се покажа и како клучно за победата, од 88-82.

Георги Шарабидзе и Чешковиќ со по 19 поени беа први стрелци во составот на Фени Индустри, додека американецот МекНил со 20 поени беше најефикасен во тимот на Кожув.Со седум победи и само еден пораз, Фени годината ќе ја заврши на делба на првата позиција, со идентичен скор со тимот на Работнички, кој синоќа загуби од Куманово.

До крајот на тековната година, избраниците на Малинков ги очекува уште дуелот со Пеќ во рамките на БИБЛ лигата, кој во среда со почеток од 19 часот ќе се игра во спортската сала „Јасмин“ во Кавадарци.

Повеќе артикли...

DITO

Следни настани

MM-Biro
ЗШУЦ Ѓорче Петров
RTK

Временска прогноза

Kavadarci Macedonia Mostly Cloud (day), 8 °C
Current Conditions
Sunrise: 6:52 am   |   Sunset: 4:3 pm
78%     6.4 km/h     32.916 bar
Forecast
Пет Low: 2 °C High: 10 °C
Саб Low: 5 °C High: 13 °C
Нед Low: 2 °C High: 7 °C
Пон Low: -1 °C High: 3 °C
Вто Low: -2 °C High: 3 °C
Сре Low: -3 °C High: 1 °C
Чет Low: -3 °C High: 1 °C
Пет Low: -3 °C High: 3 °C
Саб Low: -2 °C High: 5 °C
Нед Low: -2 °C High: 3 °C