Кошаркарите на Фени Индустри продолжуваат со фантастичниот старт на новата кошаркарска кампања, запишувајќи ја и петтата победа по ред, овој пат над тимот на Куманово 2009 со 72-64.

 

По убедливиот триумф од 41 поен над Тирана која во првото коло славеше над Трепча, сите очекуваа дека Фени ќе го „стопи“ и тимот од Косово, па и играчите и публиката влегоа доста опуштено во натпреварот, што воглавно беше и причината првото полувреме да помине во резултатски изедначена игра, во која за момент и гостите го имаа водството на своја страна, за на пауза Фени сепак да замине со предност од пристојни +7.

Предноста продолжи да расте и во вториот дел, па избраниците на Малинков за само неколку секунди ги претворија неговите совети во поени кои донесоа двоцифрена предност која остана и до крајот на натпреварот. Николовски и Шарабидзе делуваа незапирливо за гостите и под двата обрачи, и со вкупно 40 поени го надополнија скромниот ефект на бековите во нападот, потврдувајќи ја победата од 72-54.

                Кирил Николовски со 22 и Шарабидзе со 18 беа први стрелци на натпреварот, додека кај гостите најзабележителни беа Штутц и Диминиќ кои искомбинираа 31 поен.

Потенцирајќи ја одбраната како клучен фактор за победата, Малинков во официјалната изјава по натпреварот напомена дека со ваков пристап може да се добие и Сутјеска: „Одбраната го доби натпреварот, примивме само 52 поени, а во напад очекувано постигнавме над 70 поени. Мислам дека со ваков пристап и помалку грешки во нападот дека можеме да победиме во следното коло против Сутјеска во Црна Гора, иако ќе мора да поправиме доста детали и сегменти во нашата екипа. За крај, честитки за моите играчи, честитки и за екипата на Трепча која се покажа во одлично издание, и дефинитивно ќе ни биде тешко во натпреварот во Митровица“.

                За разлика од Малинков, предводникот на Трепча, Невен Плантак главниот проблем за поразот го посочи во недоволната физичка подготвеност на неговиот тим. „Ова е наш петти натпревар во последните 15 денови. Доцна се собравме, доцна започнавме со подготовките и тоа е причината поради која паднавме физички во второто полувреме. Во првото полувреме направивме доста грешки, во второто промашивме доста зицери, но ќе повторам, се е резултат на недоволната физичка подготвеност“.

                Капитенот Николовски кој со 22 поени и 12 скокови беше најдобриот поединец на натпреварот е задоволен од победата над Трепча. „Почнавме лошо, имавме доста грешки во одбраната, промашвиме чисти шутеви, но веќе во второто полувреме заигравме по планот и заслужено триумфиравме над добар тим како што е Трепча“.

Честки за победата стигнаа и од Диминиќ кој беше помеѓу најдобрите во дресот на Трепча. „Честитки за Фени Индустри. Едноставно паднавме физички во второто полувреме, промашивме доста шутеви, загубивме доста топки и скокови и тука мораме да ја бараме причината за поразот“.

Во следното коло кое на програмата е на 8ми ноември, Фени му гостува на тимот Сутјеска од Црна Гора.

 

По убедливиот триумф над екипата на Тирана, кошаркарите на Фени Индустри вечерва- среда, 25 октомври, во „Јасмин“ ќе го одиграат и третиот сезонски натпревар во рамки на балканската БИБЛ лига, втор по ред на домашен терен, и тоа против екипата на Трепча која во минатото коло исто така стигна до првиот сезонски триумф, и тоа над „Карпош Соколи“.

Токму победата над тимот од Скопје е потврда дека тимот од Косово располага со квалитетен играчки кадар, и е предупредување за избраниците на Малинков кои очекуваат нова победа пред своите симпатизери.

„Уште на почетокот си поставивме цел дека ќе одиме на секој натпревар на победа, особено на оние кои ги играме на домашен терен. Тоа што убедливо ја добивме екипата на Тирана која пак славеше над Трепча во премиерното коло не мора да значи ништо, па мотивирани и крајно подготвени ќе влеземе во натпреварот. Се надевам дека победата над Тирана ќе ни донесе повеќе публика, која и тоа како ќе ни биде потребна“ - рече предводникот на Малинков во најавата за натпреварот.

За разлика од него, Бобан Стајиќ кој имаше одличен настап против Тирана завршувајќи го натпреварот со 15 поени е уверен во победата. „Тирана славеше дома против Трепча, а ние ја добивме Тирана убедливо, па очекувам нова победа во среда“.

Почетокот на натпреварот Фени Индустри - Трепча е закажан за во 19 часот.

 

Четирите години отстуство од балканската лига не му пречеа на кошаркарите на Фени да се вратат во „Јасмин“- шампионски.Kошаркарите на Фени Индустри го декласираа тимот на Тирана со  +41, 98-57.

 

Четири години откако Горан Самарџиев го крена шампионскиот пехар, балканската БИБЛ лига повторно се враќа во градот на својот поранешен освојувач. Во рамките на второто коло од регионалната лига, кошаркарите на Фени Индустри во среда, 19 октомври, во својот „Јасмин“ ќе го пречекаат тимот на Тирана во обидот по четири години да стигнат до нова победа.

Во најавата на мечот, Горан Самарџиев кој сега е прв асистент на Љупчо Малинков се наврати на натпреварот кој го заврши со пехарот во своите раце. „Кога годинава го потврдивме учеството во БИБЛ, прво што ми падна на памет е баш тој финален натпревар и радоста што му ја подаривме на Кавадарци, на Македонија и најмногу на Фени Индустри бидејќи ни овозможи одлични услови за функционирање на еден клуб во земјата. Имавме многу голема желба да победиме на тој натпревар, дури можам да кажам дека имавме и позитивна трема пред натпреварот, знаејќи дека играме дома, пред нашата публика и дека мора да победиме. Тоа беше голема победа за еден мал град и релативно млад клуб без некое искуство во Европа. Целиот град живееше за кошарката тие денови, што беше незаборавно. Од друга страна направивме историја, и сеуште нашата титула е единствена титула на македонски во Европа па макар било тоа и од БИБЛ“.

Екипата на Тирана веќе ја запиша првата победа во новата сезона со триумфот против Трепча, но Самарџиев е оптимист и верува дека може да го добијат тимот од главниот град на Албанија. „Имаме доволно информации и видео материјали од првиот натпревар на Тирана, така да подготвени го дочекуваме овој натпревар. Нашата предност ја гледаме во поголемиот фонд на играчи и подолгата клупа, а секако најмногу домашниот терен и нашата подршка од трибините. Мислам дека сме поквалитетна екипа од Тирана, но тоа мора да го докажеме на терен. Играчите се желни за победи и ќе го дадат својот максимум па дали ќе биде тоа доволно ќе видиме во среда“.

Натпреварот Фени Индустри - Тирана започнува во 19 часот, a вратите во спортската сала „Јасмин“ ќе бидат отворени еден час порано.

Повеќе артикли...

Следни настани

RTK

Временска прогноза

Kavadarci Macedonia Fair (day), 35 °C
Current Conditions
Sunrise: 4:59 am   |   Sunset: 8:10 pm
22%     29.0 km/h     33.085 bar
Forecast
Саб Low: 19 °C High: 36 °C
Нед Low: 18 °C High: 37 °C
Пон Low: 17 °C High: 36 °C
Вто Low: 18 °C High: 32 °C
Сре Low: 17 °C High: 37 °C
Чет Low: 18 °C High: 37 °C
Пет Low: 19 °C High: 40 °C
Саб Low: 21 °C High: 38 °C
Нед Low: 20 °C High: 33 °C
Пон Low: 17 °C High: 31 °C