НА 5 септември 1956 година во раните утрински часови во тектонска несреќа во која дојде до уривање на ридот “Градот“ во близина на Моклиште, дојде до движење на огромни количества земја и камен (околу 15 милиони кубни метри се спуштиле кон реката Луда Мара), при што загинаа 11 луѓе, работници од земјоделските задруги во Ваташа, Дреново и Возарци и еден случаен минувач од с. Долно Бошава кој одел на пазар за Кавадарци. Во оваа трагедија се затрупани повеќе од 1.200 овци и голем број грла крупен добиток . Меѓу загинатите се: Ѓошо Бојаџиев од с. Ваташа, Шариф Ахмед од тетовско, Методија Димитров од с.Конопиште, Ристо Камчев од с.Долно Бошава, Мифтари Белур од тетовско, Ајрадин Бектеш од тетовско, Лазо Темов од с.Возарци, Тоде Панов од с.Грбавец,, Гане Стојанов од с.Возарци, Илија Паризов од с.Дреново и Мишо Кузманов од с.Дреново. Како последица на овој настан настана Моклишкото Езеро

П.Камчевски

                    НА  7 март 1927 година во Кавадарци започнала да работи првата аптека. Прв аптекар бил фармацевтот Бошко Марковиќ, а по дипломирањето на Васил Хаџиманов на Фармацевтскиот факултет во Загреб тој работи како аптекарски помошник во аптеката. Првата аптека била сместена во приземната просторија на хотел “Југославија“ на Петре Камчев Американецот и аптеката во оввие простории останала до 1957 година, кога хотелот бил срушен. Аптеката се наоѓала во близина на денешната пошта во Кавадарци. На фотографијата хотел “Југославија“, пред да биде срушен.

П.Камчевски

фото П.Камчевски

На денешен ден-13 јуни 1944 година (пред 75) години, во реонот на село Страмашево два баталјона на Втората македонска ударна бригада го нападнала бугарскиот полициски одред “Бенковски“.

На  5 март 1915 година во Струмица каде татко му Димитар работи како учител е роден народниот херој Страшо Пинџур.

НА 10 јуни 1943 година ( пред 76 години) во борба со бугарскиот окупатор загина првоборецот Димката Ангелов-Габерот, една од најомилените историски личности во целиот тиквешки крај. Роден е во с.Ваташа 1916 година.

На 25 февруари 1930 година во кафеаната“ Балкан“, во Кавадарци бил одржан првиот маскенбал во Кавадарци. Маскенбалот го организирале жените на кавадаречките чиновници и офицери, а за најуспешните маски биле доделени и пригодни награди: сервиси за ручек, кафе, и материјал за фустан.

П.Камчевски

На 28 март 1936 година по иницијатива на група вљубеници во фудбалот во берберскиот дуќан на Дончо Арсов било одржано основачко собрание на кое бил формиран Фудбалскиот клуб “Љубаш“.

Денеска се навршуваат 135 години од раѓањето на Мишо Шкартов (1884) год. во Кавадарци

На 9 март 1945 година при АГИТПРОП во Кавадарци е пуштена во работа првата Разгласна станица,претходник на Радио Кавадарци која се формира 1958 година.

На 31 јануари 1921 година од страна на Дирекцијата за државна статистика е извршен првиот попис на населението во Кралството на СХС. Според овој попис Кавадарци имал 5.525 жители од кои 2.940 мажи и 2.585 жени. Во Кавадарци имало 1.178 куќи, или 1.199 домаќинства.

П.Камчевски

МЕСТО ЗА ВАШАТА РЕКЛАМА