Кошаркарите на Фени Индустри го продолжија перфектниот учинок пред своите гледачи, и со убедливата победа над Сутјеска од 80-55 го потврдија пласманот во следната фаза од регионалното натпреварување.
Паузата од 20 денови без официјален натпревар беше причината поради која Фени бавно влезе во натпреварот, и во првите 10 минути беше тимот кој константно ја бркаше предноста на гостите, но веќе во вториот квартал, избраниците на Малинков најавија дека со одлична одбрана лесно ќе се справат со гостинот од Црна Гора.
Иако ја имаа контролата врз натпреварот и резултатот, кошаркарите на Фени Индустри решија ништо да не препуштат на случајноста, па со серијата од 13-0 на стартот на последниот период предвреме ги решија сите дилеми околу победникот, и му дозволија минути за докажување на младите Милков, Кицев и Бешлиовски.
Матија Чешковиќ одигра фантастичен натпревар кој го заврши со 24 постингати поени, додека Шарабидзе во отсуство на капитенот Николовски доминираше под обрачите и со дабл дабл учинок од 18 поени и 10 скокови беше втор најдобар играч во домашниот тим. Милков и Бешлиовски за помалку од 2 минути поминати на паркетот успеаа да постигнат 2 поени, додека Кицев мечот го заврши со 3 поени зад своето име.
Во тимот на Сутјеска во кој немаше ниту еден играч со двоцифрен број на поени најефикасни беа Томас и Бошковиќ со 9 постигнати поени.

 

 

Кошаркарите на Фени Индустри ја прославија и четвртата победа во четвртиот натпревар во сезоната, трета на гостински терен, откако славеа над екипата на Вардар со 54-59.

Kавадаречкиот суперлигаш под водство на Малинков цели на висок пласман

Високата и убедлива победа на кавадаречките кошаркари  против АВ Охрид 100-64 ветува голема борба за највисок пласман ова натпрварувачка сезона.

 

И без капитенот и најдобар играч во досегашниот дел од сезоната, Кирил Николовски, кошаркарите на Фени Индустри немаа проблем со тимот на Кожув, и по поразот од Работнички, брзо се вратија на „старите победнички навики“.

Кожув одигра солидно во воведните десет минути, добивајќи го воведниот период со 25-26, но веќе во продлжението Фени Индустри заигра подобро, па направи пресврт и на паузата замина со +6, 47-41.

Избраниците на Малинков и во третата четвртина продолжија со одличната игра па позитивата на домашните играчи стигна и до  +13, 73-60, што на крајот се покажа и како клучно за победата, од 88-82.

Георги Шарабидзе и Чешковиќ со по 19 поени беа први стрелци во составот на Фени Индустри, додека американецот МекНил со 20 поени беше најефикасен во тимот на Кожув.Со седум победи и само еден пораз, Фени годината ќе ја заврши на делба на првата позиција, со идентичен скор со тимот на Работнички, кој синоќа загуби од Куманово.

До крајот на тековната година, избраниците на Малинков ги очекува уште дуелот со Пеќ во рамките на БИБЛ лигата, кој во среда со почеток од 19 часот ќе се игра во спортската сала „Јасмин“ во Кавадарци.


Трет пат сезонава, кошаркарите на Фени Индустри демонстрираа квалитет и надмоќност ,oовој пат против Карпош Соколи 

 И покрај поразот од Работнички, кошаркарите на Фени Индустри немаат  време за жалење

Натпреварот на македонските претставници се игра утре- среда 19 часот во СС„Јасмин“


Кошаркарите на Фени Индустри продолжуваат со фантастичниот старт на новата кошаркарска кампања, запишувајќи ја и петтата победа по ред, овој пат над тимот на Куманово 2009 со 72-64.

 

По убедливиот триумф од 41 поен над Тирана која во првото коло славеше над Трепча, сите очекуваа дека Фени ќе го „стопи“ и тимот од Косово, па и играчите и публиката влегоа доста опуштено во натпреварот, што воглавно беше и причината првото полувреме да помине во резултатски изедначена игра, во која за момент и гостите го имаа водството на своја страна, за на пауза Фени сепак да замине со предност од пристојни +7.

Предноста продолжи да расте и во вториот дел, па избраниците на Малинков за само неколку секунди ги претворија неговите совети во поени кои донесоа двоцифрена предност која остана и до крајот на натпреварот. Николовски и Шарабидзе делуваа незапирливо за гостите и под двата обрачи, и со вкупно 40 поени го надополнија скромниот ефект на бековите во нападот, потврдувајќи ја победата од 72-54.

                Кирил Николовски со 22 и Шарабидзе со 18 беа први стрелци на натпреварот, додека кај гостите најзабележителни беа Штутц и Диминиќ кои искомбинираа 31 поен.

Потенцирајќи ја одбраната како клучен фактор за победата, Малинков во официјалната изјава по натпреварот напомена дека со ваков пристап може да се добие и Сутјеска: „Одбраната го доби натпреварот, примивме само 52 поени, а во напад очекувано постигнавме над 70 поени. Мислам дека со ваков пристап и помалку грешки во нападот дека можеме да победиме во следното коло против Сутјеска во Црна Гора, иако ќе мора да поправиме доста детали и сегменти во нашата екипа. За крај, честитки за моите играчи, честитки и за екипата на Трепча која се покажа во одлично издание, и дефинитивно ќе ни биде тешко во натпреварот во Митровица“.

                За разлика од Малинков, предводникот на Трепча, Невен Плантак главниот проблем за поразот го посочи во недоволната физичка подготвеност на неговиот тим. „Ова е наш петти натпревар во последните 15 денови. Доцна се собравме, доцна започнавме со подготовките и тоа е причината поради која паднавме физички во второто полувреме. Во првото полувреме направивме доста грешки, во второто промашивме доста зицери, но ќе повторам, се е резултат на недоволната физичка подготвеност“.

                Капитенот Николовски кој со 22 поени и 12 скокови беше најдобриот поединец на натпреварот е задоволен од победата над Трепча. „Почнавме лошо, имавме доста грешки во одбраната, промашвиме чисти шутеви, но веќе во второто полувреме заигравме по планот и заслужено триумфиравме над добар тим како што е Трепча“.

Честки за победата стигнаа и од Диминиќ кој беше помеѓу најдобрите во дресот на Трепча. „Честитки за Фени Индустри. Едноставно паднавме физички во второто полувреме, промашивме доста шутеви, загубивме доста топки и скокови и тука мораме да ја бараме причината за поразот“.

Во следното коло кое на програмата е на 8ми ноември, Фени му гостува на тимот Сутјеска од Црна Гора.

МЕСТО ЗА ВАШАТА РЕКЛАМА