ВО КАТАЛОГОТ СЕ СМЕСТЕНИ ОБРАБОТЕНИ 178 МОНЕТИ ОД ВКУПНО 450 СО КОИ РАСПОЛАГА МУЗЕЈ ГАЛЕРИЈАТА

Музеј галеријата Кавадарци како институција, од нејзиното формирање од 1976 година до денес континуирано го собира, обработува,заштитува и презентира музејскиот материјал од сите области на музејската дејност: археологија, историја, историја на уметност, етнологија и средновековна уметност. Тука е вклучена и нумизматиката односно монетите кои циркулирале низ вековите во Тиквешкиот регион. Нумизматичката збирка на Локалниот музеј галерија Кавадарци ја сочинуваат 450 монети а дел од нив оние обработените 178 се сместени во посебен каталог кој излезе во половината на месец декември минатата година но се промовираше дури денеска. За каталогот говореше еден од авторите Весна Ѓорѓиева директор на Музеј галеријата Кавадарци. Промотор на каталогот беше професор доктор Виктор Лилчиќ од катедрата за археологија при УКИМ а свое обраќање имаше и вториот автор Раде Атанасов - кустос археолог.

М.В.

173643712_526980111674356_6940628152857509441_n 174005907_131542688945173_7626607838126569097_n 174482277_1527382154126740_5468924968205239580_n 174863206_472161780693946_4719541292792168938_n