На 3 септември 1862 година е предадено во употреба новото ваташко училиште “Даскал Камче“.

Toa било изградено со средства на црковно-училишната општина на с.Ваташа и доброволна парична помош на жителите како и помош со работна рака на селаните од Ваташа. Училиштето имало приземје и спрат, а било долго 22, а широко 12 метри. Имало две големи училници, помошни простории, како и соба за учителот. Училиштето започнало да се гради во 1860 година кога главен учител во Ваташа бил Андон Грков. Во него голем народен собир во септември 1901 година одржал Гоце Делчев, кој притоа рекол: „Чувајте го ова убаво училиште како очите во главата, затоа што куќа може полесно да се изгради, но не и вака големо и убаво училиште“. Денес училиштето не постои, но ваташани сеуште го чуваат местото каде било училиштето, а се наоѓа спроти црквата Св. Богородица.

Петре Камчевски-поранешен директор на Музеј Галерија Кавадарци

МЕСТО ЗА ВАШАТА РЕКЛАМА