МЕСТО ЗА ВАШАТА РЕКЛАМА
(770x120)

Откако денеска беше одложено рочиштето за за стечајот на Фени Индустри во Велешкиот суд, со соопштение се огласи стечајниот управник на ФЕНИ, Мирослав Анастасиевски

За 7 ми февруари е одложено денешното судско рочиште во Основниот суд во Велес за стечајот на кавадаречкиот комбинат за никел Фени индустри.

Во допис до медиумите стечајниот управмик Мирослав Анастасиевски вели дека денешното рочиште за стечајот на Фени Индустри АД - во стечај, е одложено бидејќи не биле исполнети законските претпоставки за одржување на Испитно рочиште и Извештајно собрание.

- Списите на предметот се пред Апелациониот суд во Скопје, по вложена жалба против Решението за отворање на стечајна постапка над стечајниот должник,стои во соопштението.

Анастасиевски потенцира дека,стечајната постапка, тече согласно законската процедура, формиран е Одборот на доверители и дека редовно се одржуваат седници.

Сепак убедувањето на стечајниот управник дека постапката за давање под закуп на Фени е транспарентна и со прифатливи услови за бројни светски фирми кои се занимаваат со никел, не наиде на одобрување кај вработените.Тие и понатаму реагираат на тоа дека целосно се исклучени од самата постапка а се надеваат и на ветувањето дека сите работници ќе останат на работните места.

Билјана Тошевски