Општина Кавадарци во рамките на програмата за подобрување и унапредување на условите за работа во објектите од образованието, деновиве реализираше проект за реконструкција на осветлувањето и подот во ходник. Општината за реконструкција на осветлувањето во сите простории како и во спортската сала во гимназијата „Добри Даскалов“ инвестираше сума од 818.884 денари. Овие средства беа наменети за целосна заман на старите неонски светилки со нови ЛЕД панели. Изведувач на работите беше скопската фирма „Лајт хаус“. Паралелно со ова оперативата на ангажираната фирма „Валавски“ од Радовиш работеше на реконструкција на подот во ходник на објектот, како и замена на влезните врати во шест училници. При што се инвестирани вкупни 150.000 денари. Со реализација на овие два проекти Општината создаде подобри услови за одвивање на наставата и престој на учениците, наставниците и останатите вработени во гимназијата.