СООПШТЕНИЕ НА Регионалното Здружение „Тиквешки Лозаро Овоштари“ од Кавадарци.

Интегрален текст„

“На 22.10.2020 година, доставивме барање од лозарите до г-дин Премиер Зоран Заев, и тоа баравме:

(1) Исплата на лозарите кои го продадоја грозјето по ниски цени во „Тиквеш“ – незаштитени од испекторатот. Да се направи корекција на кантарните белешки и да им се стави КОВИД печат уште по 4 денари, се со цел да биде достигната ланската цена од 15 денари за Вранец и 13 до 14 денари Смедеревка и Станушина, но до денес ништо не се случи. Почна исплатата на КОВИД средствата од 2 денара.

(2) Баравме да се направи корекција на кантарните белешки на откупеното грозје од по 2 и 3 денари од винариите „Вардар“ и Откупниот Пункт „Лазово Мовче“, и да се напише договорената цена со Владата и откупувачите од 4 денари. И тоа не се случи до денес.

(3) Баравме откуп од државата да ја откупи произведената ракија во домашни услови од лозарите кои не можеја да го продадат грозјето и беа принудени на тоа. Баравме и продажба на ракија по пазарите и слободен транспорт до пазарите, се дури не влеземе во Европската Унија. Но и тоа не се случи до денес.

(4) Баравме ветените пари од државата 2 + 2 денари, 4 + 4 денари, да се исплатат до крајот на 2020 година. Се почна на исплата не-целосна со КОВИД, а 2 денари ги отргнаа и ќе ги исплаќале во 2021 година, но и тука бевме излажани.

(5) Баравме ослободување на лозовите површини од воден надоместок за 2020 година затоа што до 15.06.2020 година немаше вода, ниту исправни пумпи, исклучена струја, немаа резервни делови, и навадивме по еднаш и после постојано врнеше. Водостопанство немаат голем трошок за тоа па затоа баравме помош од државата за ослободување на водниот надоместок, и Водостопанските фирми да се вратат под општините за поквалитетна услуга. Но и тоа не се случи. Лозарите од линијата Бошава К-1 ги навадија по еднаш лозовите насади по слободен пат без пумпи, а после заврна за второ вадење. На жалост бевме задолжени од Водостопанство Скопје Подружница „Тиквеш“ Кавадарци незаконски наводнување под пумпи по цена од 1840 денари од декар по бразда, 1610 денари под капка, и сме принудени да плаќаме до 31.12.2020 година, доколку не платиме ќе ни ги укинат субвенциите. И ова ли е правда?

И на крај ни останува на сите граѓани да им ја честитаме Новата 2021 година и Божиќните празници со здравје, со бериќет, и подобри цени во земјоделските сектори,

Ви посакуваат од Регионалното Здружение „Тиквешки Лозаро Овоштари“ Кавадарци.

Регионално здружение „Тиквешки Лозаро Овоштари“Кавадарци„

-се наведува во Соопштението.