Ова е ретка фотографија од ткривањето на Спомен костурницата на паднатите борци и жртви на фашистичкиот терор од општина Кавадарци на 4 јули 1976 година. Во неа се поместени моштите на паднатите борци на оние чии посмртни остатоци беа пренесени во гробниците на борците кај црквата Св. Димитрија. Споменикот е дело на проф. Петар Муличковски и е висок 12 метри. До највисоката платформа се доаѓа преку 62 кружни скали. Во холот на костурницата се поместени 24 гранитни плочи со имиња на 333 борци од општина Кавадарци. Објектот се состои од два дела. Полузатворен простор со Костурницта која симболизира стара македонска куќа и дворот на куќата, односно амфитеатар. На источната и западната страна има врати а оградена е со високи ѕидови кој внатре се празни и во нив се сместени моштите на борците.

П.Камчевски