Интегрален текст

„Владата предводена од СДСМ продолжува со унапредување на условите во земјоделието. Покачени субвенции, воведени нови мерки со кои се подобрува условите во земјоделието, воведување на зелена нафта и многу други поволности, со кои се покажува дека земјоделието во изминатиов период е унапредено. Со цел економско јакнење на руралната жена, јакнење на лидерските вештини на жените во руралните средини, подигнување на свеста за поголема вклученост во креирањето на земјоделската политика, подобрување на нивната состојба и подобра интеграција во општеството, вкупно 250 рурални жени во нашата држава, по мерката 115 добија неповратен грант од 3.000 евра. Мерката 115- Поддршка за активен женски член во земјоделското стопанство, како неповратна финансиска поддршка за инвестиции кои ќе придонесе за развој на руралните средини и се доделува на женски член од семејството запишан во единствен регистер на земјоделски стопанства. Од доделените грантови, 33 жени кои ја добија оваа неповратна помош, се од нашата општина. Покрај ова евидентна е бројката на жени, носители на активни земјоделски стопанства во нашата општина кои од вкупно 6.600, на 2.500 носители се жени. Тоа е зголемување за 41% на сопствениците на земјоделски стопанства во изминатите 5 години, што укажува на фактот дека жената се повеќе ги надминува бариерите во секое поле во општеството, па и во земјоделието. Преку вклучување на родовата перспектива на сите нивоа во стратешкиот и буџетскиот процес се покажува родово одговорно буџетирање и се повеќе средства се издвојуваат за унапредување на родовата рамноправност. Родовото одговорно буџетирање има за цел да осигури дека предвидените и алоцирани средства еднакво ги зема во предвид и одговараат на потребите, интересите и приоритетите и жените и мажите. Со родово одговорното буџетирање националните ресурси стануваат поддеднакво достапни за жените и мажите. Родовата перспектива во сите политики, па оттука и во земјоделието, ќе ја подобри позицијата на руралната жена и ќе обезбеди намалување на родовата нееднаквост. Создаваме еднакво општество во кое ги распределуваме финансиските средства на поправеден начин. Создаваме еднакво и праведно општество за сите граѓани. “

Ви благодарам

Милица Андова Член на И.О