Учествуваа 70 бели и црвени вина произведени oд домашни производители.

Оваа манифестација се организира четврта година по ред од страна на Здружението на винари на Македонија. Изборот е во чест на празникот на младото вино „Божуле нуво“ кој од 1937 година се празнува секој трет четврток во ноември

Учествуваа 70 прозиводители на бели и црвени вина произведени во домашни услови. Беше извршено оценувањето на мострите на вино од страна на стручни лица, универзитетски професори и енолози, а потоа беа наградени најдобрите бели и црвени вина. Претседателот на Здружението, Игно Тасев вели дека од година на година расте интересот за традиционалниот избор на најдобри млади вина.

Виното розе произведено од сортите на грозје „Розе сирах“ и „Мускат хамбург“ на Стојанче Илиев ја освои гран при наградата, додека вранецот произведен од Којчев Зоран освои прво место во конкуренција од црвените вина. Од белите пак најдобар беше „ризлингот“ на Влатко Митрoвски кој освои прво место, а смедеревката на Петре Пешков беше второ наградена и трето место од белите вина освои Стаменов Пане со соратата ризлинг.

На натпреварот покрај производители на вино од Тиквешијата учествуваа винари од цела држава. Манифестацијата беше организирана заедно со Земјоделскиот факултет при Универзитетот “Гоце Делчев” од Штип, а со поддршка на неколку компании. Оваа манифестација се организираше четврта година по ред од страна на Здружението на винари на Македонија. Изборот беше во чест на празникот на младото вино „Божуле нуво“ кој од 1937 година се празнува секој трет четврток во ноември, a одличен домаќин беше Паб „Блу„ - Кавадарци.