Реакција на прес конференцијата на СДСМ!

„СДСМ преку бледи прес конференции се обидува да ја замајува јавноста и да го оттргне вниманието од проблемите кои секојдневно ги тиштат граѓаните на Кавадарци и Тиквешијата, а тоа е откупот на грозјето и катастрофално ниските цени кои се нудат оваа година.

Бидејќи амнезијата ги има зафатено сите структури на оваа партија, сакаме да ги потсетиме господата од СДСМ, дека во општина Кавадарци се реализира комунална и инфраструктурна програма која ВМРО-ДПМНЕ ја понуди на локалните избори и со таа програма му нанесе пораз на кандидатот на СДСМ за градоначалник Бетиане Китев.

Ова не е прв пат СДСМ во отсуство на проекти од централната власт, да се фали со проекти од локалната власт која што тие како партија во еден период од денот ја критикуваат; а во друг период искажуваат пофалби.

СДСМ колку и да се сликат во с. Ваташа и да се китат со туѓи перја, треба да знаат дека Ваташани нема да им простат за националното предавство кое го извршија Заев и владата со тоа што Бугарските фашисти ги прават национални херои подигајќи им споменици низ државата.

Исто така да ги потсетиме од СДСМ дека и покрај сите закани и уцени кои се вршеа на референдумот, во Ваташа излегоа помалку од дваесет проценти на истиот, со што Северна Македонија не поминува во Револуционерно Ваташа и во Тиквешијата.

Оваа предавничка и корумпирана власт многу скоро ќе замине од државата и ќе остане запишана во темната страна на историјата.

На Република Македонија и е потребна голема обнова, а таа обнова ќе ја спроведи идната влада на ВМРО ДПМНЕ.„- се вели во денешната реакција на ОК на ВМРО-ДПМНЕ на пресот на ОО на СДСМ одржан на 27 август годинава.