Во месец декември, во организација на Црвен крст на Република Македонија Општинска организација Кавадарци, а во склоп на кампањата „Твоето незнаење чини живот“ и во соработка со одговорните лица од средното училиште ,,Ѓорче Петров`` беа договорени и се одржани 2 курсеви по прва помош со учениците од трета и четврта година на возраст од 16-18 години и тоа на 16 и 23 декември 2019 година од страна на Д-р Ѓорѓи Митрев и демонстраторот Евица Димова со помош од младите волонтери на организацијата.

На овие курсеви присуствуваа околу 60 ученици кои имаа можност да ја проследат информативната презентација, да ги стекнат основните знаења за првата помош и истовремено да разменат искуства со предавачите.На информативната работилница беше побарана подршката од училиштето за развој на првата помош во заедницата при соработката со Црвениот крст, а и самите изразија благодарност за предавањата реализирани од страна на предавачот и демонстраторот и некои од нив дадоа предлог да се одржуваат почесто курсеви од овој тип и други едукации кои се од интерес на образовните потреби, а ќе им бидат од корист и нив и на учениците.Општинската организација има планирано 8 работилници во средните училишта, од кои веќе 2 се одржаа во ЗШУЦ ,,Ѓорче Петров``, во февруари планирани се 3 работилници во ЕМУЦ ,,Киро Спанџов Брко`` и во март исто така 3 работилници по прва помош во гимназијата ,,Добри Даскалов``.Црвен крст со овие 8 планирани работилници ќе опфати околу 150 ученици од средните училишта во Кавадарци кои ќе бидат информирани за значењето на првата помош, каде се одржува наставата за прва помош за возачи и да одговориме на останати прашања од нивен интерес.