Интегрален текст:

„Почитувани пртставници на медиумите

очитувани сограѓани

Моменталната здравствена криза не стави на тест, како нас така и целиот свет.

Ја тестираше нашата одговорност, солидарност, како и способноста за брз одговор и адаптирање кон новонастанатата ситуација.

Ние сме горди на начинот на кој што нашата држава се исправи пред предизвикот и како добро се справува со истиот.

Но покрај здравствената криза, успешно се справуваме и со економско- финансиските последици кои истата ги донесе со себе.

Покрај првите два сета економски мерки , воведовме и трет сет кој опфаќа 730.000 корисници во вредност од 355 милиони евра.

Заедно со првите два пакета мерки, станува збор за вкупен влог од 550 милиони евра или 5,5 отсто од БДП.

Се работи за директна финансиска поддршка на граѓаните, со цел зголемување на потрошувачката и тоа во стопанството, земјоделството и туризмот, но и награда за најизложените здравствени работници, во знак на благодарност за нивната работа и вложување,

Со воведување на домашни платежни картички во вредност од 9.000 денари за околу 100 илјади граѓани, индиректно ја стимулираме потрошувачката на домашни производи и услуги, со директна парична поддршка од државата кон граѓаните.

Даваме сериозна поддршка и за домашниот туризам.

Имено, граѓаните ќе добијат ваучер во вредност од 6,000 денари за користење во домашните хотели и други сместувачки капацитети.

Покрај ваучерот, граѓаните дополнително ќе добијат и платежна картичка од 3,000 денари за купување на домашни производи и услуги.

Младите исто така се вклучени во овој пакет на економски мерки.

Тие ќе добијат поддршка дo 6,000 денари за покривање на својата партиципација за факултет или за сместување во студентски и ученички дом, а доаѓаат од семејства со ниски приходи, но и платежна картичка во вредност од 3.000 денари за купување на домашни производи и услуги.

Покрај ова младите имаат можност да добијат ваучер во вредност од 30,000 денари за кофинансирање на обуки, тренинзи и курсеви за Информатичка Технологија и дигитални вештини, што ќе им овозможи брзо вработување во новата развојна економија.

Ние остануваме и понатаму посветени на помош и поддршка на нашите граѓани и на нашата економија.

Сите заедно ќе се справиме со сите овие предизвици.

Сите заедно ќе изградиме нова развојна македонска економија.

Ви благодарам,

Даниела Колева Кандидат за пратеник на СДСМ„.