Кандидатот за пратеник на СДСМ-Даниела Колева денеска одржа прес конференција на која говореше за почитувањето на мерките предвидени со препораките поради коронавирусот кој ќе станат наше секојдневие:

Интегрален текст.

„Почитувани претставници на медиумите

Почитувани сограѓани

Во период кога епидемијата е веќе ставена и се држи под контрола, ние мораме полека да се враќаме во нормала, но и да научиме да живееме со коронавирусот.

Кризата спласнува, но вирусот е сеуште присутен.

Затоа, не смееме да се опуштиме.

Борбата со вирусот ќе ја продолжиме преку целосно почитување на мерите на лична заштита и заштита на јавното здравје.

Нашето ново секојдневие во кое живееме, односно нашиот нов начин на функционирање, подразбира носење заштита опрема на лицето, држење на соодветна дистанца и редовна дезинфекција на рацете.

Новата нормалност исто така значи дека ќе продолжиме да ги вршиме нашите секојдневни обврски и активности согласно протоколите за заштита од коронавирусот.

Тоа значи дека во новата нормалност ќе се одвиваат сите процеси во нашето општество. Економијата ќе се враќа во нормала, а ние ќе работиме и ќе ги вршиме сите обврски притоа почитувајќи ги мерки.

Со новата нормалност согласно протоколите за заштита ќе функционираат и градинките, училиштата и факултетите, ќе функционираат театрите, кината и музеите, ќе функционираат угостителските објекти, фабриките и јавниот транспорт.

Светот полека се отвара и се враќа во нормала. Истото ќе го правиме и ние.

Новата нормалност значи и организирање на изборен процес согласно здравствените протоколи пропишани од страна на надлежните институции.

Избори може да се организираат и истите да бидат 100% сигурни за граѓаните, за нивното здравје, како и за сите учесници во изборниот процес, но само доколку сите учесници ги почитуваат протоколите.

Македонските институциите имаат капацитет, на денот на гласањето да ги обезбедат сите превентивни мерки за целосна заштита на гласачите и на сите други учесници во изборниот процес.

Истовремено, политичките партии имаат обврска и одговорност да водат одговорни кампањи без масовни собири каде целосно ќе бидат запазени сите мерки на заштита.

На граѓаните, на државата, им се неопходни законодавна и извршна власт со полн капацитет и легитимитет.

Само со такви институции со целосен легитимитет можеме полесно и побрзо да се справиме со здравствените и економски последици од коронакризата.

Нашата држава мора подготвено и со 100% капацитет да го дочека септември.

Да бидеме целосно спремни за уште поефикасно справување со последиците од досегашниот тек на пандемијата како и за очекуваниот нов бран на вирусот на есен.

Ви благодарам„.