„Почитувани кавадарчани! Вашата поддршка за втор мандат за градоначалник, за мене значеше соочување со уште поголеми предизвици, за брзо реализирање на сите планирани проекти. Можеби и затоа предизборната програма почна да се планира, но и да се реализира од првиот ден од новиот мандат. Во овој отчет за сработеното се забележани сите реализирани, но и започнати и планирани проекти кои произлегуваат од Вашите барања и потреби и за кои имаме уште три години за да ги реализираме. Иако јас верувам дека тоа ќе се случи многу порано. Можеби звучи нескромно, но, Кавадарци за мене беше и секогаш ќе биде на прво место. Кавадарци веќе одамна отскокнува од другите општини во инфраструктурата, економскиот развој, туристичката понуда, но и стана општина во која се живее безбедно и квалитетно. Меѓу другите кои ќе ги прочитате во електронското и печатеното издание на отчетот, покрупни реализирани проекти се следниве : 1. Градскиот пазар кој после 60 години доби модерен и атрактивен изглед, таков каков што треба да биде и каков што заслужуваат граѓаните. 2. Нов парк ,,Киро Крстев’’ 3. Спортска сала во О.О.У „Страшо Пинџур” Кавадарци. 4. Изградба на Спортска сала во О.О.У „Димката Ангелов Габерот с.Ваташа, Кавадарци. 5. Реконструкција на О.О.У „Димката Ангелов Габерот”, подрачно училиште во село Сопот. 6. Комплетна реконструкција на О.О.У ,,Страшо Пинџур’’ во с. Возарци 7. Соблекувални во селата Сопот и Марена. 8. После 40 години Кавадарци доби нова детска градинка. 9. Промена на прозорите во зградата на Локалната Самоуправа Кавадарци и основните училишта Страшо Пинџур Кавадарци, Страшо Пинџур с.Возарци и Тошо Велков Пепето Кавадарци, како и во амбулантата во село Возарци. 10. Изградба на капела на муслиманските гробишта во Кавадарци. 11. Реконструкција на ул. Зелен Пазар на потег од тунелчето и од спој со ул. ,,Цано Поп Ристов’’. 12. Во функција е пуштена петтата минихидроцентрала на системот Лукар. 13 Проект - ,,Инсталирање на мерни станици за СМАРТ ЗЕМЈОДЕЛСТВО’’ 14. Го отворивме советувалиштниот центар за помош и поддршка на жртви на родово базирано и семејно насилство. 15. Грант од германската КФВ банка кој подразбира целосна реконструкција на пет улици. Проект вреден 2,2 милиони евра. 16. Поставување на фотонапонски панели на 10 Јавни општински објекти со вкупна инсталирана моќ од 200 киловати на час. 17. Грант преку Светска банка за целосна реконструкција на пет, од вкупно девет улици во Кавадарци. 18. Асфалтирање на повеќе улици во населбата Бел Камен. 19. Три нови улици: Лазо Асијата, Западен Булевар (коњски дупки) втора фаза и 25 Мај спој со ул. Ѓуро Ѓаковиќ. 20. Грант од ТАВ програмата. Проект кој опфаќаше комплетна нова водоводна линија во населбата Брушани и реконструкција на локалниот пат до село Дреново. 21. Подобрување, односно реконструкција на патната инфраструктура во околните села во Кавадарци и тоа: ЌБохула, Ресава, Голеш , Куманичево, Фариш, Раец, Крњево. И затоа, благодарност до сите, кои и со само една капка, допринесоа Кавадарци да стане мирно море во кое заедно ќе пловиме безбедно, сигурно и модерно. Град во кој се надевам младите ќе останат да живеат, да градат семејства, да создаваат и напредуваат. Ова е успех на сите нас! Да ни е вечно нашето убаво Кавадарци! Со почит д-р Митко Јанчев! “