.jpg)
.png)
Се известуваат сите православни верници од Кавадарци, дека во Сабота, на ден 05. 11. 2022 година, e ЗАДУШНИЦА. Вечните почивалишта на своите најблиски, од страна на свештениците ќе бидат молитвено посетени (прелеани) во 09 : 00 часот! Господи, Кој со длабока мудрост човекољубиво управуваш сѐ, и на сите им даваш сѐ што е полезно, единствен Создателу, душите на Твоите слуги упокој ги, зашто сета надеж ја положија на Тебе – Творецот и Создател и наш Бог. Задушница е ден посветен на молитва за покој на душите на нашите починати роднини. Во црквата секогаш се молиме и за живите и за оние кои се упокоиле, оти тие во Бога се секогаш живи, зошто Господ Исус Христос е Бог на живите, и во Него се живи и оние кои се во овој свет и оние кои се веќе во прегратките на Бога. На овој ден посветен на покојните (Задушница), правиме спомен на починатите за сите знаени и незнаени браќа и сестри. Светата православна Црква, раководена од науката на Христовата љубов, постојано нѐ поттикнува да се молиме на Господа за душите на покојните, знаејќи дека смртта е само една врата, преку која човечката душа преминува од животот овде на земјата, во животот на идниот век. Да се помолиме милостивиот Христос Бог наш да ги упокои душите на починатите во населбите на праведните, а нас да нè помилува... Кавадаречко Архиерејско намесништво
