.jpg)
.png)
Изборот на најдобри вина и ракии произведени во домашни услови во општина Демир Капија е во рамките на манифестацијата “Недела на традицијата”
Секоја секоја година ова туристичка манифестација се одржува во чест на празникот “Свети Трифун”, заштитникот на лозарите. Од Службата за односи со јавноста велат дека настанот се организира заедно со Центарот за едукација и вмрежување во туризмот. -Организираме натпревар за најдобри домашни вина и ракии, како и избор на најдобар закројувач на винова лоза. Мостри од домашно произведени вина и ракии од грозје ќе се земаат од домот на сите заинтересирани, кои сакаат да бидат дел од атрактивниот натпревар. Закројувачите на винови лози пак, на лице место ќе имаат можност да ги покажат своите вештини во резидбата, која е актуелна во овој период од годината во лозарството, во Тиквешко како најголем регион за лозаровинарство во Македонија, соопштија од Службата за информирање при демиркаписката локална самоуправа. Покрај ова, општината и ЦЕНЕТ организираат и натпревар за најдобра традиционална трпеза, во кој ќе учествуваат групи на заинтересирани, кои на овој начин ќе ги покажат своите кулинарски способности. Во тек е пријавувањето на сите оние кои сакаат да бидат учесници во натпреварите кои се организираат.
