По 25 години Дакиќ за прв пат излага во Кавадарци

Од сликарот Петар Мазев ги добива првите импулси во сликарската постапка, а почетоците на вајарството пак му се во знакот на живо моделирана скулптура на органски форми и глави.Во неговото творештво се препознава сликарска и контемплативна еволуција на идеи и приоди.Во ова време Дакиќ слика не само според своите чувства и импулси , туку внесува и нови содржини.Во неговите дела се воочува византискииот концепт на „иконовидност“ сублимиран со германски и светски уметнички имиња.

IMG_20150925_193625.jpg

Со Ранко заедно бевме на факултет , а заедно сме од забавиште.50 години зад нас е многу време. Гледајки ги неговите дела, се плашам да зборувам за неговото творештво, затоа што тој има многу напреднато.Впрочем дека сум во право говори фактот дека за неговите слики зборуваат европските и светските критичари.Тој живее и работи во Берлин.Честа за него ова вечер е посебна затоа што ова е прв негов настап во Кавадарци после 25 години.Затоа и изложбата носи наслов Берлин-Македонија –Кавадарци.Нам ни е драго што изложбата ја помести токму во Кавадарци а не во Скопје, рече Владимир Темков, директор на Домот на Културата инаку негов долгогодишен пријател и колега со кој поминал значаен дел од животот

IMG_20150925_194716.jpg

-Јас изложбата би ја насловил :Берлин ,Берлин ама и Кавадарци...рече Љупчо Бубо Каров , исто така негов голем пријател со кого има поминато доста време во животот соочувајки се со разни предизвици и ситуации. -Тој е една од моите најдарги личности.Тој има толку добро слики направено, а јас сеуште да ги немам видено, рече Каров даваќи и позитивен опуштен тон на преставувањето на Дакиќ во Кавадарци потсетувајќи дека токму тој пред 25 години исто така ја отвори неговата прва изложба во Кавадарци, што му е посебно драго.

IMG_20150925_201019.jpg

Инаку на отварањето на изложбата беа присутни бројни љубители на уметноста од Кавадарци, негови пријатели и колеги од цела Македонија и надвор од земјата, на кои Ранко срдечно им се заблагодари.

М.Димитров