На пресот на СДСМ беше подвлечено дека;“Бетиан Китев, е сеуште пратеник во Собранието на Република Македонија,и лично се ангажираше овој проблем што побрзо да биде решен„

Интегрален текст:

„Владата постои за да им помогне на граѓаните. Токму со таа цел, премиерот Зоран Заев и вице-премиерот за економски прашања Кочо Анџушев лично се заангажираа за решавање на проблемот со ФЕНИ Индустри, кој беше пред затварање и кој ќе оставеше стотици кавадаречки семејства без егзистенција.

Исто така, и Бетиан Китев, кој е сеуште пратеник во Собранието на Република Македонија, лично се ангажираше овој проблем што побрзо да биде решен.

Во текот на следните две недели ФЕНИ Индустри ќе добие нови сопственици кои ќе ги исплатат сите долгови кон транспортерите и доверителите на ФЕНИ.

Владата на Социјалдемократскиот Сојуз на Македонија, силно верувајќи во солидарноста како примарна социјалдемократска вредност, нема да дозволи стотици семејства да останат без работа.

Тврдењето на кандидатот на ДПМНЕ, Митко Јанчев, дека наводно ова е манипулација, е целосна невистина. Во следниот период од неколку недели тоа и јавно ќе се види.

Реакцијата на Јанчев е целосно несфатлива, и е најверојатно резултат на гневот и нервозата, од состојбата на терен пред изборите, кои тој и ДПМНЕ ќе ги загубат катастрофално.„ Се вели во реакцијата на СДСМ на денешниот прес на кандидатгот за градоначалник на Коалицијата предводена од ВМРО-ДПМНЕ, Митко Јанчев.