Амбасадорот на ЕУ во Република Македонија Самуел Жбогар денеска престојуваше во Кавадарци.Тој разговараше со градоначалникот на Општината м-р Митко Јанчев и советниците на СДСМ и ВМРО-ДПМНЕ.

Престојот во Кавадарци Високиот претставник на ЕУ- Амбасадорот на Унијата Самуел Жбогар денеска го искористи да се сретне и разговара со разни структури во Општинава.

“Јакнење на доживотното учење преку модернизација на системите на стручно образование и обука и на образованието на возрасните”, спроведен од Британскиот Совет, како проект e финансиранo од Унијата. Токму овој проект, меѓу другото, беше причина денеска шефот на делегацијата на Европската Унија Самуел Жбогар да го посети земјоделско шумарското училиште “Ѓорче Петров” во Кавадарци.Ова училиште учествуваше во изработка на стандарди на занимања, класификација, наставни планови и програми за тригодишно средно стручно образование за профилите столар, тапетар, декоратер и шумар.Оваа година за прв пат исто така во училиштето има и паралелка “шумар” во прва година. Тоа било резултат на барањата на Јавното претпријатие “Македонски шуми”, за ваков обучен кадар. Истовремено, има и паралелка “столар” во втора година.

-Училиштето исто така учествуваше и во изработка на програма за образование на возрасни, “столар за плочест мебел”. Со неа се изврши обука на невработени, кои по обуката се вклучија во приватни фирми, информираше Зимоски.

Евроамбасадорот денеска покрај училиштето ја посети и работилницата во која се врши практичната обука за ученици и возрасни, во која впрочем и беа обезбедени материјали за обука во рамките на проектот.

Работната посета на Кавадарци ја искористи и за посета на Центарот за вработување, во врска со проектот “Поддршка на процесот за подобрување на работата и услугите на Агенцијата за вработување”. На неговата агенда е и средба со кавадаречкиот градоначалник Митко Јанчев, по што е најавена и изјава за медиумите.

Посетата е дел од кампањата “ЕУ за тебе”, која има за цел да ја покрене свесноста и да ја информира јавноста за помошта на ЕУ во земјата.

Во Локалната самоуправа се сретна и разговараше со градоначалникот на Општинава Митко Јанчев,преставници на двете партии кои партиципираат со најмнгу советници од СДСМ и ВМРО-ДПМНЕ.

Амбасадорот Жбогар нагласи дека слушнал за охрабрување за довербата кон новиот градоначалник од страна на граѓаните.Порано бил во Кавадарци, но ова му е прв пат да ја посети општинава и да разговара со градоначалникот.

Од своја страна кавадречкиот градоначалник Митко Јанчев нагласи за одличната соработка која Кавадрци досега ја имаше со ЕУ а тој е спремен да го продолжи овој тренд со ЕУ.Амбасадорот Жбогар на градоначалникот Јанчев му додели благодарница како израз на досегашните реализиран проекти со ЕУ и Општина Кавадарци.