Во ова прва фаза се оспособуваат,запуштените површини кои подолго време се оставени само на себе.Потоа следува поголема активност на сите делови од градот

Акција за озеленување на јавни површини се спроведува во Кавадарци а се озеленуваат две големи локации од околу пет и четири илјади квадратни метри. Директорот на кавадаречкото Јавно претпријатие “Комуналец”, Ѓорѓи Поп Ицов соопштува дека целта е преку дополнителното зеленило во градот, да се влијае естетски и хортикултурно, но и еколошки.

- Во моментов активно се работи на терен на улицата “Страшо Пинџур”, позади таканаречените “Силекс” згради. Активности се изведуваат и во новиот центар на Кавадарци, позади зградите викани “лепотици”. Се посадуваат трева и садници од декоративни високорастечки дрвца, појасни Поп Ицов.

Тој нагласи дека акцијата за озеленување на градот ќе продолжи и на други локации.