Централниот регистар на Македонија го потврди основањето на фондацијата Никола Јанчев, преку која ќе продолжи хуманата работа на семејството Јанчеви, кое со децении важи за најголем помагател на сите оние на кои им е потребна помош.

Фондацијата ќе го носи името на човекот кој стоеше зад создавањето на компанијата Кожувчанка ДОО, Никола Јанчев, а за нејзин директор е назначена неговата ќерка, Јанинка Чупаркоска.

Според податоците од централниот регистар, главни цели на Фондацијата се хуманитарни активности преку собирање средства и нивно насочување кон одредени сегменти во општеството, кои се од интерес за пошироката јавност, како што се образование, животна средина, спорт како и едукација на млади од секоја област.