Во Општина Кавадарци од 17 до 20 април само пет лица не ја почитувале забраната за движење и притоа им е изречена соодветни казни.

Инаку според изворни потатоци состојбата за време на најдолгиот полициски час во Општината е добра и наредбата за забрана за движење се почитувала и поминала без нарушувања на јавниот ред и мир односно граѓаните речиси во целост ги почитувале мерките на Владата поврзани со заштитата од пандемијата предизвикана од коронавирусот.

Дознаваме дека бројот на лицата во самоизолација во Кавадарци изнесува 37 граѓани .

На ниво на цела држава изминатото деноноќие според статистиката на МВР за периодот (20/21.04) по однос на забраната за движење евидентирано е дека 117 лицa не ја почитувале забраната за движење, при што приведени/лишени од слобода се 89 лица, а за останатите се земени податоци и ќе следуваат соодветни мерки.

Исто така според статистичките податоци за изминатото деноноќие на 135 лица им се издадени решенија за изолација, а 53 лица потпишале изјави за самоизолација.

Од страна на полициски службеници извршени се контроли кај лица во изолација и самоизолација, а три лица не ја почитувале мерката за изолација.

м.д.