ЦВЕТАНКА КОЛЕВА ,КВАЛИТЕТ И РЕПЕР ЗА ПОЕЗИЈАТА ВООПШТО

Kултурните настани поврзани со традиционалната манифестација „Кавадаречка културна есен“ продолжуваат со несмален интензитет според сите КОВИД протоколи. Синока во домот на културата „Иван Мазов Климе„ се одржа промоција на најновата книга поезија на познатата кавадаречка поетеса Цветанка Колева, насловена како “Ти, моја, безмилосна една!“. Книгата е издание на издавачката куќа „Или Или“ од Скопје. Во улога на модератор на настанот беше познатиот кавадаречки артист Александар Малинков, а уште еден артист, Игор Трпчевски читаше поезија од авторката. За време на овој интерактивен настан говореа новинарката Мирјана Мукаетова, поетесата Снеже Стојческа како и самата авторка Цветанка Колева. Да споменеме дека стихови од книгата прочитаа и неколку гости присутни во салата.

м.в.