Општина Кавадарци деновиве во целост го реализира проектот за подобрување на условите и нивото на безбедност на четири клона на градинката „Рада Поцева“. Со проектот се оградија четири клона на детската градинка Рада Поцева- “Гроздоберче“, „Детелинка“, „Снежана“ и “Буба Мара“, се постави ново енергетско ефикасно осветлување, се поставија нови дрвени играчки со песочници, со што во иднина ќе се подобри безбедноста во оваа установа каде што престојуваат деца од предшколска возраст. Финансиската конструкција изнесува 2. 016 553 денари. Општината го реализира проектот преку грант- договор за соработка со Програмата за развој на Обединетите Нации УНДП. Изведувач на работите е фирмата „Метал Апостолов“ од Кавадарци.