Интегрален текст на прес конференцијата на која зборуваше Вуко Мелов -член на ИО на СДСМ Кавадарци
„Почитувани медиуми
Почитувани граѓани
Во време на силна глобална економска и здравствена криза, Владата предводена од СДСМ покажа дека се грижи за секој граѓанин и за секоја компанија која има потреба од помош.
Преку четири пакети на економски мерки, 1,2 милијарди евра завршија директно кај граѓаните и кај компаниите.
Една од најзначајните мерки од овие пакети, е финансиската поддршка за исплата на плати за работници, вработени во компании погодени од здравствено економската криза.
Со оваа мерка спасивме стотици илјади работни места и им помогнавме на десетици илјади компании.
Покрај ова во четирите пакети мерки беа опфатени и околу половина милион граѓани, кои добија платежни картички, ваучери за туризам и финансиска поддршка со цел да ја стимулираме приватната потрошувачка и да ја зајакнеме куповната моќ на граѓаните.
Грижата за граѓаните, за компаниите продолжува и оваа година. Во овој период се димензионира и петтиот пакет на економски мерки.
Со петиот пакет мерки планирано е да биде опфатен поширокиот дел од економијата. Истиот вклучува мерки кои ја поддржуваат домашната економија напред кон процесот на целосно заздравување и понатамошен развој.
Потполно сме свесни дека кризата се уште не е комплетно зад нас и веруваме дека со заеднички влог и солидарност ќе ја надминеме и за брзо, почнуваќи од вториот квартал оваа година, ќе влеземе во пост-ковид период на заздравување и раст.
Како одговорна партија продолжуваме со сериозни и ефикасни економски политики што ќе овозможат рестарт на економијата и враќање на стапките на раст пред коронакризата.
Остануваме посветени на градење економија на еднакви шанси и подобар животен стандард за сите.
Ви благодарам
Вуко Мелов
Член на ИО на СДСМ Кавадарци„.