“Прошетки на зборот” е насловен поетскиот Алманах со поезија од кавадаречки поети, кој беше промовиран синоќа во галеријата на Домот на културата “Иван Мазов Климе” од Кавадарци.

Станува збор за петти по ред алманах во продукција на Здружението на писатели “Тиквешки цветови” од овој град. Во него има стихови од 28 поети од различни генерации, познати автори но и нови имиња. Во своето обраќање кон присутните, актерот Александар Малинков нагласи дека кавадарчани носат уметничка душа и дека Кавадарци има бројни докажани уметници од сите сфери на уметноста. Директорот на Домот на културата„Иван Мазов Климе“- Владимир Темков рече дека досегашната соработка со кавадаречките поети, ќе продолжи и во иднина. -Зборот е алат за нас поетите и секој од нас со него гради поезија, секој тоа го прави најдобро што знае и умее, подвлече Марјан Тодоровски, поет, блузер, блогер, уредник на програма во домот на културата и уредувач на алманахот. -Пишувајте и пазете со зборот, оти само тој останува вечно, беше неговата порака. На промоцијата со свои стихови се преставија:Тодорка Андова, Марјан Тодоровски,Анита Бошкова, Петар Наневски,Љупче Јовевски,Микица Илова,и други а Вероника Костадинова меѓу другото направи и осврт на историјатот на друштвото на писатели во Кавадрци кое од „Мито Хаџивасилев Јасмин„ името го менува во Тиквешки Цветови.За плановите на друштвото проговори нејзиниот претседател Надица Тренчева.„Инаку Алманахот содржи песни на поети кои со текот на времето зреат во промислата на изразот и креативноста.Во нивното пишување може јасно да се забележи личниот копнеж кој настојуваат да го осмислат преку убавината на пишаниот збор.Облагородени во тој процес не затекнуваат со сознание дека незабележително „израснуваат“во вистински професионалци на поетскиот збор, ќе рече мојот пријател Тодор Богев кој ја следеше промоцијата синоќаКако издавач на книгата се јавува Домот на културата “Иван Мазов – Климе“ , со поддршка на општината Кавадарци. Компјутерската обработка и насловната страница се дело на Билјана Соколова.