Буџетот за 2017 година е во висина од 809.596.000 денари, или okолу 13 милиони евра.

Советот на Општина Кавадарци ја одржува последната седница во 2016 година на која централна точка е усвојувањето на Буџетот на Општината за 2017 година.Градоначалникот Александар Панов образложи дел од предложениот буџет за 2017 година, кој е во висина од 809.596.000 денари, или okолу 13 милиони евра.Во своето обраќање пред советниците, Панов најави дека во првите три месеци од 2017 ќе бидат реализирани неколку проекти предвидени за 2016 година, кои во најголем дел се од комуналната свера.Тој најави изградба, реконструкција, пробивање и поплочување на улици во сите месни заедници, реконструкција на мостот во Ваташа наспроти кафеаната 12 другари, како и на мостот на „Слога“ и „Видое Смилески“.

Советникот Зоран Бањански подвлече дека и овој буџет е нереален и популистички, затоа што реалната реализација на ефективен и ефикасен буџет е од 8 до 10 милиони евра.Од страна на советникот Сашко Петров беа предложени низа амандмани кои во поголем дел беа прифатени од градоначалникот Панов.

Буџетот е усвоен со 13 гласа за, 4 против и 1 воздржан

Градоначалникот Панов им се заблагодари на советниците за поддршката на предложениот буџет.Посака среќна Нова година на сите граѓани, со желби за здравје и надеж дека Македонија ќе има мирна година.Во интерес на јавноста, Панов информираше дека имал средби со претставници на Винарската визба „Повардарие“.Притоа рече дека се работи за стар долг од 500.000 евра кон старите сопственици.Отворањето на стечајната постапка е одложено.