Интегaрлен текст на прес конференцијата:

„Почитувани претставници на медиумите

Почитувани граѓани

Од вчерашниот отчет на градоначалникот Митко Јанчев можеме да видиме дека за сто дена, нема започнато ни реализирано ниту еден капиталените проекти, кои на последните локални избори ги ветуваше и ја бараше довербата од граѓаните.

Празните страници од стодневниот отчет Митко Јанчев проба да ги потполни со проекти кои се од исклучително значење за Кавадарци, меѓутоа кои се реализирани од страна на Владата предводена од СДСМ.

Во отчетот на градоначалникот наведена е изградбата на детската градинка “Сонце”, проект кој целосно е финансирана од Министерството за труд и социјална политика во вредност од 57.4 милиони денари.

Во склоп на овој проект на Министерството за труд и социјална политика, за подобрување на социјалните услуги, поддржан од Светска банка, покрај во Кавадарци беа изградени и детски градинки во 17 други општини.

Спортската сала во О.У Страшо Пинџур која исто стои во отчетот на градоначалникот е проект во вредност од 23 милиони денари, реализиран од страна на Министерството за образование и наука, односно на Владата предводена од СДСМ.

СДСМ преку централните институции реално инвестира во Кавадарци и работи за граѓаните.

Единствениот проект на Општина Кавадарци, е изградбата на “Градскиот пазар”, кој после 4 години мандат сеуште не е завршен.

Митко Јанчев во еден мандат не успеа да го заврши единствениот самостоен проект, за кој патем ја задолжи Општина Кавадарци.

За овие сто дена мандат на Митко Јанчев и мнозинството на ВМРО- ДПМНЕ, успеаа да да го украсат центарот на градот, организираат ручек и да воспостават доби релации и соработка со Лапонија и Дедо Мраз, којa се надеваме дека ќе продолжи и во наредните години.

Во вчерашниот отчет, намерно или не испуштен е според нас усште еден важен прoект т.е настан од првите сто дена од мандатот на градоначалникот.

Тоа е срамниот, полн со омраза и поделби говор, фрлената анатема на дел од граѓаните на Кавадарци, од страна владиката Агатангел.

Чин со кој се сквернави празникот на сите лозари, а за кој домаќинот воопшто не реагираше.

Сумарно тоа е учинокот на градоначалникот и мнозинството на ДПМНЕ во овие сто дена.

Ви благодарам„