Светскиот ден на планината, вчера планинарските друштва од земјата го одбележаа со средба која ја одржаа на Матка-Скопје.

Федерацијата на планинарски спортови на Македонија (ФПСМ) го одбележа Светскиот ден на планината - 11 декември. ФСПМ се придружува кон одбележувањето на овој ден, прогласен со одлука на Генералното собрание на Обединетите нации, со цел да се зголеми важноста на планината за секојдневниот живот, како и да се придонесе кон создавање на партнерства кои ќе донесат позитивни промени во нивната заштита.

Во рамки на одбележувањето се одржаа планинарски тури чија крајна дестинација е Спортско рекреативниот центар Матка, каде во Планинарскиот дом попладнето се одржа и официјалниот дел од одбележувањето. Првата планинарска патека беше Скопје-Водно-Матка, втората е Матка/Манастир Успение на пресвета Богородица - Свети Спас - Света Недела - Свети Андреа.

Првиот марш беше во должина од околу 17 километри или над 5 часа одење се одвиваше од Водно по сртот до Матка а вториот со должина од околу 8 километри опфати посета на три манастири и одење од околу 8 часа во реонот на Марка.Вториов марш , според Никола Минчоров од ПД „Орле„ беше напорен со оглед на стрмниот терен.

На пригодната свеченост на крајот од пешачењето претседателот на Планинарскиоот сојуз на Макдонија Јовица Угриновски додели награди и признанија за најдобрите планинарски друштва во земјава меѓу кои спаѓа и кавадаречкото ПД„Орле„ а еден од основачите Јоже Змајшек доби посебно признание за неговата самопрегорна работа сите овие години од 1961 година, кога е основано нашето друштво.

Дружењето заврши со заеднички ручек, топло вино и ракија .Прекрасна средба, велат оние кои беа на Матка, а ги имаше од цела Македонија и од Кавадарци и Неготино.