На 13 март 1993 година во Скопје почина Петар Мазев

Петар Мазев е македонски академски сликар, еден од најпознатите уметници на 20-от век во Македонија, претставник на експресионизмот во Македонија.Беше професор на Факултетот за ликовна уметност во Скопје и член на групата „Мугри“. Меѓу најзначајните дела се „Манастирски пејзаж“, „Презреано жито“, „Црвена арабеска“, „Жена“ и други, а од мозаиците најпознат е мозаикот во Спомен-костурницата во Велес. Роден е во Кавадарци, во 1927 година.