ГРАДОНАЧАЛНИКОТ НА ОПШТИНА РОСОМАН БРАНКО ЈАНЕВ ОДРЖА ПРЕС КОНФЕРЕНЦИЈА НА КОЈА ВОЗВРАТИ НА ОБВИНУВАЊАТА НА ДЕЛ ОД СОВЕТНИЦИТЕ !... Градоначалникот на општина Росоман, Бранко Јанев,денеска со обраќање до јавноста одговори на обвинувањата од страна на неколку советници дека вовел медиумски мрак и не сакал да спроведе неколку клучни одлуки, кои поминале на совет, а биле од интерес за сите жители на општината. Градоначалникот Јанев објасни дека медиумскиот мрак всушност е законска регулатива според која единиците на ЛС не смеат да се рекламираат и информираат на приватни медиуми. Тој истакна дека и нему му пречи ваквата законска одлука бидејки жителите имаат право да бидат информирани, но закон си е закон. Што се однесува до одлуките кои биле од интерес за сите жители на општината тој ги покажа истите и потенцираше дека станува збор за одлуки за доделување на финансиска помош за стажирање на две лица но дека тој како градоначалник нема да ги подржи тие одлуки.Исто така Јанев истакна дека неколку советници постојано ја опструираат работата на советот и општината во целост.Во време на неговиот мандат тој го обнови возниот парк на ЈП „Комуналец“ со нов трактор, камион и автомобил,набавил нови контејнери и пластични канти а наскоро и овој возен парк дополнително ке биде збогатен со две нови возила, но токму дел од овие советници не гласале за одлуката за набавка на нови контејнери. Исто така дел од овие советници гласаа и против одлуката за изработка на техничка документација за уредување на место за рекреација и пешачка зона во Росоман. Се работи за проект за уредување на речното корито на потегот мегу двата моста со изградба на кеј , велосипедска и пешачка зона , проект за кој биле обезббедени средства во висина од 15.000 американски долари преку UNDP и SIDA но истиот не помина кај советниците.Советниците од само на нив познати причини не ја изгласале и одлуката за донесување на оперативен план за заштита и одбрана од поплави на општина Росоман. На седницата одржана на 31.01.2020 советниците еногласно ја донеле одлуката за уредување на градежно земјиште на територијата на општина Росоман но не ја донеле одлуката за проектот „Подобрување на социјалната инклузија преку партерно уредување на централното подрачје“.Станува збор за уредување на локација викана „Плоча„ а средствата за проектот во висина од 6 милиони денари веке беа обезбедени од бирото за регионален развој.Сега општината сама ке го финансира овој проект кој е влезен и во општинскиот урбанистички план но дел од советниците според Јанев ги лажат занаетчиите кои сега се лоцирани во времени објекти на локацијата „Плоча“ и на тој начин работат против интересите на граѓаните на општина Росоман. м.в. прилог фото: -Локација на Плоштадот во Росоман; -Денешна состојба -При врнежи -И предлог проект за изглед кога ке се изгради.