„Политичко лицемерие

“Од вам нема да се очекува да собирате само документирани податоци, туку (како што правевте и во други пригоди) да фабрикувате некои, доколку не ги пронајдете “, (Умберто Еко, Прашките Гробишта).

Во изминативе денови сведоци сме на оркестриран медиумски линч по социјалните мрежи дирекно упатен кон градоначалникот на општина Кавадарци, Митко Јанчев.

Ехото кои пристигнува до граѓаните преку разните алатки на новите медиуми, е ехо на лага, на полувистина. Тоа е ехо на оцрнување и деградирање на една личност. Најчесто се тоа личности скриени позади лажни профили на твитер и фејзбук, кои по наредба на центарот за лаги и манипулации вие влегувате во нивниот свет полн со лажни информации, кои ве доведуваат во заблуда (Вам читателите) да не знаете во еден момент што е вистина, а што е лага.

Ехо кое што мојот драг пријател Ненад во својата последна колумна целиот овој лажен свет го објасни во еден статус :

- “Денес на порталите што не се уредуваат, секој може да ја напише својата вистина. Тоа, за волја на вистината, делува многу демократски и многу привлечно, ама таквата привлечност е рамна на привлечноста на јавните „нужници“, дополнително избербатени.“, (Ненад Јовановиќ, Слободен Печат)

Причината за ставање во функција на целиот апарат за ширење на црна пропаганда од белата палата за да се оцрни името на нивниот најдобар градоначалник е повикот за протест и барањето за оставка на Мицковски од страна на Јанчев.

На повикот за протест пред белата палата и барање оставка од Христијан Мицковски, доведе до произнесување на ОК на ДПМНЕ во Кавадарци, каде преку бегло соопштение за јавноста по нарачка се оградија од јавно изнесените политички ставови на Јанчев, и својата подршка во целост му ја дадоа на актуелниот претседател на ДПМНЕ, Христијан Мицковски.

За да не продолжи политичкото лицемерие на локалните квази-политичарчиња на ДПМНЕ во континуитет, по принцип кога не ни одговараат политичките ставови на Јанчев, ние се оградуваме од него, но кога ни е потребен неговиот потпис за назначување на некое ново директорче, тогаш во тој случај Митко е најдобриот градоначалник со кого се гордее целата партија. Затоа, најдобро е во перидот кој доаѓа, сите директорчиња и раководители кои се поставени од Јанчев, а кои се против неговите јавно изнесени ставови и јавно се оградуваат од него, да си поднесат оставки од своите директорски функции, бидејќи сепак се назначени од градоначалникот од кој се оградуваат.„-се наведува во соопштението на Сашко Петров поранешен советник во Општина Кавадраци.