КАВАДАРЧАНИ ИСПУШТИЈА 7 ГОЛОВИ ПРЕДНОСТ - ДАРКО КОНДЕВ ОД МЕТАЛУРГ ПОВТОРНО ВО КАВАДАРЦИ

Екипата на „ГРК Тиквеш“ од Кавадарци ремизираше викендов со „Еурофарм Пелистер 2“ во пријателски натпревар одигран во Битола кој заврши 25-25. Иако кавадаречките ракометари во еден момент водеа и со плус седум, најмногу поради заслугите на голманот Стојаноски, сепак на десетина минути до крајот битолчани комплетно се вратија во мечот при резултат 20-21. Потоа се играше гол за гол а последниот напад го имаше „ГРК Тиквеш“ но момците на Горан Андоновски не го реализираа па средбата заврши 25-25. Најдобри стрелци во битолскиот состав беа Стефан Талевски со седум и Павле Петровиќ со пет голови, додека кај кавадарчани се истакнаа Симиќ со шест и Смиљаниќ со пет голови.Да напоменеме дека тимот од Кавадарци во обидот да дојде до опстанок во Супер машката лига го засили својот тим и го донесе младинскиот репрезентативец на Македонија, Дарко Кондев. Поранешниот ракометар на Металург, кој пред некој ден го напушти клубот од Автокоманда, ќе биде добро засилување за Тиквеш во битката за опстанок. Кондев беше дел од кадетската репрезентација на Македонија на Мундијалот кој во 2019 година се одржа во Македонија. Тој веке настапуваше за „ГРК Тиквеш“ во минатата сезона кога екипата играше во Првата лига и се покажа како добро засилување. Оттаму во Кавадарци добро ги знаат неговите квалитети и не е изненадување што е ангажиран во обидот да се дојде до опстанок во Супер машката лига.

м.в.