Интегрален текст на реакцијата "Владата предводена од СДСМ и премиерот Зоран Заев, како и Министерството за здравство, во изминатиот период презедоа сериозни чекори во надминување на сите предизвици со масовната имунизација против коронавирусот. Навреме се набавија соодветни фрижидери за складирање на вакцините, беше направен прецизен план за вакцинација на населението, а првиот контингент вакцини веќе пристигна во државата, како поддршка од пријателска Србија. Се очекува наскоро да пристигнат и вакцините од Кина, со што ќе продолжи масовната вакцинацијата на населението. Веќе е почнато со вакцинирање на здравствените работници кои во изминатиот период се во првите борбени редови против Ковид 19, кои секојдневно се изложени на ризик од коронавирусот и пожртвувано се грижат за заболените. Дали помеѓу досега вакцинираните е и оној здравствен работник кој вчера држеше партиска прес конференција во О.К на ВМРО-ДПМНЕ Кавадарци, во која патем вели дека не е почнат процесот на имунизација? Дали неговиот колега, кој исто беше присутен на партиската прес конференција за имунизација против коронавирусот, има одбиено да се вакцинира? Дали антиваксер вчера присуствуваше на партиска прес конференција за вакцини? Додека институциите предводени од СДСМ се посветени на решавање на предизвиците и работат во интерес на граѓаните и јавното здравје, ВМРО-ДПМНЕ и денес а и во текот на целата пандемијата се однесува деструктивно, шири лажни вести, ги прекршува мерките за заштита, се обидува да го поткопува здравствениот систем и напорите за справување со пандемијата. ВМРО ДПМНЕ и нивниот партиски лидер не се грижат за здравјето на граѓаните. Нивните деструктивни политики се провидни, препознаени од народот и токму затоа уште долго ќе останат во опозиција."се наведува во реакцијата на ОО СДСМ Кавадарци.