Синоќа на свечена церемонија која се одржа во хотелот „Лимак“ во Скопје, Македонската кошаркарска федерација ги награди најдобрите во македонската кошарка за 2021 година. За најдобра женска младинска екипа прогласена е екипата на Бадел која беше најдобра во М18 лигата, а освоија медали и во останатите две конкуренции. Најдобра машка младинска екипа е Работнички кои беа шампиони во М 16 а на другите играа на „фајнал-фор“ турнирите. Најдобар тренер а женска младинска екипа е Анета Глигорова од Бадел а во машка конкуренција е Андреј Апостолски Лечиќ од Работнички. Најдобра млада кошаркарка е Михаела Алексовска од Крива Паланка која со својот тим беше шампион во М16 а со кадетската репрезентација го освои златото на челенџот во Грузија каде беше прогласена и за МВП. Најдобар млад кошаркар е Теодор Симиќ - член на Барселона и новопечен сениорски репрезентативец. Најдобар македонски репрезент во странство е Емил Рајковиќ кој по Полска и Казахстан се пресели во Русија каде со Автодор Саратов растура во ВТБ лигата. Најтобра екипа во 3 Х 3 е Кино Влае од Скопје а најдобар играч во 3 х 3 е Ервин Цого од Кино Влае. Најдобар судија е Игор Митровски а нНајдобри екипи се освојувачите на двојните круни - Баскет КАМ во женска и МЗТ Скопје во машка конкуренција. И најдобрите играчи доаѓаат од овие две екипи. Анѓелика Митрашиновиќ по двојната круна со Баскет КАМ се пресели во Франција а Андреј Магдевски по двете титули со МЗТ се пресели во Романија. Најдобар тренер кај девојките е Александар Ашаданов кој на Каменица и донесе две титули а сега е селектор на сениорките. Постхумно, федерацијата им додели плакети на членовите на семејствата на кошаркарските работници за исклучителни постигнувања во кошаркарскиот спорт: Благоја Георгиевски – Буштур, Марјан Лазовски, Драган Василов – Цевка, Војислав Зивчевиќ и Анте Дуковски.Македонската федерација не заборави на еден, не баш така мал, јубилеј и тоа 10т години од најголемиот успех во историјата на македонската кошарка -освојувањето на четвртото место на Европското првенство во 2011 во Литванија.Посебни признанија, како потсетување на најголемиот успех во историјата добија: Димитар Мираковски, Владо Илиевски, Лестер Мекејлеб, Војдан Стојановски, Дамјан Стојановски, Марко Симоновски, Тодор Гечевски, Перо Антиќ, Ѓорѓи Чековски, Марин Докузовски, Марјан Лазовски (постхумно), Марјан Србиновски, Благоја Кечовски, Сандро Бенкардино, Врбица Стефанов, Михаило Маноилов, Ненад Попоски, Никола Николовски, Зоран Крстевски, Иван Ивановиќ, Даниел Димевски, Дејан Лекиќ и Илија Мерџановски како и тројца актуелни членови на КК Еуроникел - Предраг Самарџиски, Дарко Соколов и Ивица Димчевски. Кога сме кај Кавадарци наградата за најдобра младинска репрезентација ја доби женската кадетската репрезентација до 16 години која освои злато на челенџот во Грузија без пораз. Селектор беше нашиот Никола Златев му помагаше Форка Ѓорѓиева а во составот беа и кавадаречките таленти Анастасија Тодорова и Љубица Бошкова. И за крај како јагода на шлагот - КФМ за најдобар тренер го прогласи Горан Самарџиев актуелен тренер на ЕуроНикел кој минатата сезона играше во финалето. Во меѓувреме беше и во македонската репрезентација каде што му беше помошник на Александар Тодоров. Во изборот за тренер на годината, конкуренција на Горан Самарџиев му беа Дарко Радуловиќ и Марјан Илиевски.

М.В.