.jpg)
.png)
Партијата „ Левица“ до нашата редакција го упати дописот во кој предлага трговците да работат и за време на манифестацијата „Тиквешки гроиздобер„.Во дописот зсе вели: На последната седница беше дискутирано за недоследностите во новиот Закон за недела како неработен ден кој беше поддржан од Левица. Веруваме дека Законот треба да се дополни во иднина како би се подобриле условите во кои работат работниците и би се елиминирале можностите за развој на сива економија и злоупотреба на работниците! Но итно и неодложно Советникот Круме Богевски побара администрацијата да ја истражи можноста за работа на трговците во Кавадарци за време на фестивалот ,,Тиквешки Гроздобер 2022”. Покрај традиционалната димензија, манифестацијата е шанса и за препознавање на занаетчиите и трговците од страна на посетители од други градови, со што веруваме дека треба да им се дозволи да имаат можност како угостителите да работат! Кавадарци нема молови, Кавадарци нема олигарси блиски до власта кои би иницирале промена на закони по нарачка, затоа бараме намалување на сите можности за нелегално работење за време на манифестацијата и регулирање на посебни дневници за работниците кои ќе работат во недела!“
-се наведува во дописисот на Левица -Кавадарци до РТК.МК.
