“Јавноста во Кавадарци веќе нема никаква дилема - наместо граѓански концепт во општина Кавадарци, се спроведува концепт на партизација на општината.

Наместо концептот промовиран митата година коj гласеше “Кавадарци за сите”, по изборите градоначалникот Митко Јанчев очигледно веќе прифатил да работи на партизација на градот и го назначил Мицковски за ревизор на тој проект.

Неформалниот ревизор на сите општински проекти и урбанистички планови на општината, Христијан Мицковски, редовно и во секоја прилика заедно со локалното партиско раководство на ДПМНЕ, врши надзор и става партиски печат на сите проекти финансирани од граѓаните на Кавадарци.

Поради слабата реализација на проекти овде во Кавадарци, градоначалникот Јанчев е приморан повторно да го шета неформалниот ревизорот по истите раскопани улици во градот како и пред шест месеци.

За потесетување на јавноста еве кои беа дел од клучните капитални проекти и инвестиции врз основ на кои Јанчев побара и доби мандат од жителите на Општина Кавадарци:

- Бесплатен оброк за секој ученик

- Изградба на обиколница

- 3Д Кино

- Доградба на спортска сала Јасмин

- Дестилeрија во функција на надминување на проблемите со откуп на винско грозје

- Дом за стари лица

- Стационар за згрижување на бездомни кучиња

- Трговски центар

Најдобро се реализира единствено зголемувањето на цените на локалните јавни услуги.

Па така единствено во Кавадарци е зголемена партиципацијата за дестски градински на 2000 денари.

Зголемeна цена на вода за 3 денари.

Поставени цени за најавениот јавен градски превоз на ниво на град Скопје.

Цената за партискиот триумфализам и посетите на неформалниот ревизор Мицковски ја плаќаат граѓаните на Кавадарци.

Стана правило, по секоја посета на Мицковски некоја градска услуга да поскапува иако собирањето на партиски арач не го пишува во изборната програма.„ -рече Павле Маневски од СДСМ-Кавадарци.