По три илјади денари ke добијат родителите за секое првороденче во Росоман,одлучија советниците од Ова Општина.

По три илјади денари надоместок за секое првороденче во росоманската општина, вака одлучија советниците во Советот на општина Росоман на последната седница, соопшти градоначалникот СтојанчеЛазов.

-Заклучно со јануари месец оваа година, за сите првороденчиња општината исплаќаше по 1.500 денари, со последното решение сумата е удвоена. Целта е да се стимулира наталитетот во општината. Одлуката е донесена едногласно од страна на советниците во Советот, вели Лазов. Тој додава дека на годишно ниво, во Росоман се раѓаат од 40 до 60 новороденчиња.