Со резултат 0-2, фудбалерите на Новаци ја прекинаа серијата од три победи на фудбалерите на Тиквеш на стартот на пролетниот дел од вториот по ранг македонски фудбалски шампионат.

Надежите за продолжување на успешната серија беа рушени уште по неполни 35 минути, во кои Благоја Наумоски во 16-та и Христијан Лавуровски во 34-та минута погодија за победа која ги носи фудбалерите на Новаци на третата позиција на првенствената табела.

Поразот пак за кавадаречките фудбалери значеше враќање на претпоследната позиција, откако Вардар Неготино денес на домашен терен неочекувано славеше со 1-0 над второпласираната екипа на Скопје, кој пак е следен противник на кавадаречкиот тим.

(Погледнете ги шансите и головите на двете страни )