ЕКИПАТАНА ТРЕНЕРОТ САШКО ПАНОВСКИ СО ГОСТИНСКИ ТРИУМФ ЈА КРУНИСА УСПЕШНАТА ПОЛУСЕЗОНА

Со одигрувањето на 13 првенствено коло и официјално заврши есенскиот дел од фудбалската сезона 2020/2021 во третата македонска фудбалска лига група југ. Екипата на „Локомотива“ од Градско одигра одличен гостински натпревар натпревар и со 0:2 славеше над екипата на „Братство“ со што стана есенски шампион во Третата лига – Југ. Со овој резултат екипата предводена од проф. Сашко Пановски докажа дека има тим сезонава и за највисоки дострели. Резултатот беше отворен во 25. мин. со голот на Дарко Иванов. Во вториот дел домаќините се обидуваа да го израмнат резулатот, но одличната „Локомотива“ не дозволи изненадување па во 89 мин. преку Аделин Ќазимов зголеми на 0:2 со што победникот беше решен.

„Вардар“ во Неготино ремизираше во големото дерби со „Ново Црнилиште“ играјќи 1:1. Гостите од Црнилиште први поведоа со голот на Ибраимоски веке во 7 мин. од натпреварот. Во второто полувреме „Вардар“ заигра ногу поорганизирано но успеа само да израмни преку Жарко Донев на 1:1 во 57 мин.

„Големо Коњари“ дојде до голем бод откако ремизираше на домашен терен со „Марена“ играјќи 2:2.

„Превалец“ го доби дербито со „Напредок“ од Крушеани и славеше со минимални 1:0 на домашен терен со голот на Христијан Јанкулоски во 75 мин. „Обршани“ на домашен терен одигра одличен натпревар и се врати на победите, откако со 4:2 славеше над „Илинден“ од Башино Село. „Дојранско Езеро“ на домашен терен одигра 2:2 со екипата на „Младост“ од Удово, а реми имаше и во Кривогаштани каде „Младост“ ремизираше без голови со екипата на „Питу Гули“ од Крушево.

„Локомотива“ е есенски шампион во Третата лига – Југ со освоени 28 бодови, исто колку што има и второпласираната екипа на „Ново Црнилиште“. На третото место е екипата на „Превалец“ која има 27 бодови, а ист број на бодови има четропласираниот „Напредок“ од Крушеани. На дното од табелата останува „Илинден“ со 5 бодови, „Големо Коњари“ со 7 бодови е на 14. место, додека место погоре е екипата на „Питу Гули“ која одвај собра 8 бодови.

м.в.

131976902_1356018218073050_5234470967337430891_n