Медалите се освоени на Државното првенство

Никола Петров, Розе Милкова и Сашко Гинев ја продолжија низата на успешни настапи на кавадаречките џудисти на државните првенства, носејќи му на џудо клубот „Кожувчанка“ три нови медали, од кои еден најсјаен.

На државното првенство за кадети и кадетки кое изминатиот викенд се оддржа во средното општинско училиште „Јосип Броз - Тито“ во Битол, боите на кавадаречкиот клуб ги бранеа 8 џудисти, кои освоија еден златен и два бронзени медали.

Најсјајното одличје заврши на градите на Никола Петров кој триумфираше во категоријата до 46 килограми, додека Розе Милкова и Сашко Гиневсе закитија со бронзени медали.

Тренерскиот двоец Марјан Колев и Сашко Ангелов е задоволен од настапот на своите кадети, особено од настапот на Петров кој е само уште еден во низата на македонски репрезентативци кои доаѓаат од кавадаречкиот клуб.