Годинава први септември не беше само првиот училишен ден. Општина Демир Капија го прославуваше и меѓународниот ден за подигање на свеста за мршојадците! Демир Капија е едно од најважните подрачја за мршојадци но и општо за грабливите птици во Македонија. Нивното присуство во нашиот регион е доказ за извонредните природни вредности кои ги имаме и мора да ги сочуваме. Во таа насока овој важен ден го одбележивме со едукативно предавање за една од најретките птици во Европа која гнезди во Демир Капија, египетскиот мршојадец, народно познат како кања наменето за учениците од основното училиште Димче Ангелов Габерот кој го одржа наставникот по биологија г-ѓа Gordana Krstevska . Исто така имавме промоција на новиот мурал од оваа птица нсликан на училиштето. Во Музејот на виното се одржа официјално отварање на одделот за орнитологија каде сега сите граѓани имаат можност подобро за де запознаат со мршојадците во Македонија но и со видовото богатство на птици со кои го делиме ова прекрасно парче земја. За крај, сите гости имаа можност да присуствуваат на предавање за мршојадците кои го населуваат овој просто но и за заканите со кои тие со соочуваат. Дополнително, со нетрпеливост ја очекуваме новата колекција на вино од винаријата Стоби со етикета на египетскиот мршојадец која ќе се продава во Музејот на виното а со купувањето на тоа вино граѓаните ќе ја поддржуваат заштитата на овие ретки и загрозени птици во Демир Капија. Сите овие активности беа спроведени во рамки на проектот Нова надеж за египетскиот мршојадец кој го спроведува Македонското еколошко друштво а немаше да можат да се имплементираат без несебичната и безрезервна поддршка од страна на Еколошкото друштво од Демир Капија Јужна еколошка станица како и организацијата МАКГЕОПАРК.