По втор пат ќе се одржи Мултимедијалната меморијална манифестација “Пријателите за Ристо“-Повод -60 години од раѓањето на Ристо Соколов Сокол (1957 – 2017)

Во организација на неформалната уметничка група “Сокол Арт“, која е дел од Здружението за алтернативна култура “Алтер Центар“ Кавадарци, по втор пат ќе се одржи Мултимедијалната меморијална манифестација “Пријателите за Ристо“. Овојпат во чест на 60 години од раѓањето на еден од најголемите кавадаречки и македонски ликовни уметници Ристо Соколов Сокол.

Манифестацијата ќе се одржи на 16 април 2017, со почеток од 19 часот во Кафе клубот “Дорс“ Кавадарци, со пригодна уметничка програма со познати кавадаречки актери, музичари, фотографи и ликовни уметници, долгогодишни пријатели и соработници на големиот уметник и човек Ристо Соколов Сокол. Официјалниот дел на манифестацијата ќе заврши во 21 часот.Со оваа манифестација “Алтер Центар“ продолжува со откривање и заживување на алтернативни културни и уметнички места и сцени. Настанот е подржан од Локалната самоуправа на Кавадарци.