Реакција на ВМРО-ДПМНЕ Кавадарци на вчерашното соопштение на ОО на СДСМ

„Министерката Царовска пред да доаѓа во Кавадарци би требало детално да се информира за состојбата и потребите на кавадарчани.

Нејзината реакција за градинката дека требало да ја изгради Општина Кавадарци, а тие само да ја опремат е несмасен обид да се оправда за својата одговорност и негрижа. Но тоа е за друга градинка. Таа градинка е во градба и е во завршна фаза.

Во нашата изјава за медиумите станува збор за друга градинка на друга локација каде исто така има голема потреба од градинка. Таа градинка беше предвидена да се гради од централната власт, но со новиот ребаланс на буџет од страна на новата власт на СДСМ, парите за новите градинки се скратени. Затоа, со право сме загрижени дека нема да ја градат градинката.

Апелираме уште еднаш до СДСМ од Кавадарци дека повеќе не се опозиција и редно е да помагат во решавањето на социјалните проблеми на граѓаните бидејќи набрзо ќе следи и политичка одговорност.

Наместо да ги кријат проблемите во градот и да барат партиски вработувања нека лобираат за новата градинка за која веќе е спремна документацијата од страна на Општина Кавадарци и ги замолуваме случајот да не го политизираат само затоа што е проект на ВМРО-ДПМНЕ„.- се вели во денешната реакција на ВМРО-ДПМНЕ Кавадарци на вчерашното соопштение на СДСМ-ОО Кавадарци.